ამონარიდები

* * *

საქართველოს კათოლიკოს-პატრიარქი ილია II:
“გურამ შარაძე ჩემთან ხშირად მოდიოდა, ვსაუბრობდით მართლმადიდებლობაზე. გურამი სათქმელს დაუფარავად მიყვებოდა. ღმერთმა აცხონოს მისი სული…”

ქაშუეთის ტაძარი, 24 მაისი, 2007

* * *

ედუარდ შევარდნაძე, საქართველოს ყოფილი პრეზიდენტი:
,,დაზაფრული ვარ, გაოგნებული. გურამ შარაძეს პირადად ვიცნობდი, როგორც შესანიშნავ მეცნიერსა და მკვლევარს, უნიკალური წიგნების ავტორს, საზოგადო მოღვაწესა და პუბლიცისტს. ასეთ ადამიანებს სახელმწიფო თვალისჩინივით უნდა უფრთხილდებოდეს, აქ კი……ამდენი მკვლელობა და ახლა კიდევ ეს ტრაგედია. არც კი ვიცი რა ვთქვა’’.
მაია ბათიაშვილი, ირაკლი ბათიაშვილის მეუღლე:
,,საშინელ მდგომარეობაშია მთელი ქვეყანა. ბავშვები ხოცავენ ერთმანეთს და დღეს კიდევ, პროფესორი, ღირსეული ადამიანი, პოლიტიკოსი, ხალხისთვის საყვარელი და ცნობილი მოღვაწე გურამ შარაძე მოკლეს! შუა ქუჩაში მოკლეს! უბრალო მოქალაქეს შვილმკვდარი მამის საწინააღმდეგო არაფერი ექნებოდა! მე მეშინია! ძალიან აღელვებული ვარ და ეს განცხადება არ დაუკავშიროთ პოლიტიკას და ჩემს ოჯახს. მაგიტომ არ ვამბობ ამას! ეს ჩემი, როგორც რიგითი მოქალაქისა და რიგითი ქართველის პოზიციაა! მე მართლა მეშინია!’’
ირინა სარიშვილი, პარტია ,,იმედის” ლიდერი:
,,გურამ შარაძის მკვლელობა ხელისუფლებამ დაუკვეთა… ისეთ ადამიანს, როგორიც შარაძე იყო, საყოფაცხოვრებო მოტივით ქუჩაში არ კლავენ. თუ გავითვალისწინებთ ხელისუფლების ბოლო კამპანიას, ეკლესიების დანგრევას, რომელსაც გურამ შარაძის მკვლელობაც მოჰყვა, ეს კასკადი შემდეგშიც გაგრძელდება”, _ განაცხადა სარიშვილმა’’.

“ასავალ-დასავალი”, 21-27 მაისი, 2007

* * *

ჯემალ მებონია, პროფესორი:
_ გურამ შარაძეს მე პირველი კურსიდან ვიცნობ. მისი უფროსი ძმა ჩემი კურსელი იყო. გურამი თავის პოზიციაში შეუვალი და თავისი აზრის ბოლომდე დამცველი კაცი იყო. ის ყოველთვის ქართული ინტერესების სადარაჯოზე იდგა. შეიძლება ვინმეს ამა თუ იმ საკითხზე მოსწონებოდა მისი პოზიცია, ან არ მოსწონებოდა, მაგრამ ეს ყოველთვის ხდება. ჩვენ სტუდენტობიდან მოყოლებული რაღაც საკითხებზე გვიკამათია, თუმცა, ჩემთვის ის ყოველთვის იყო პატრიოტი ქართველი კაცი თავისი მენტალიტეტით, თავისი წესიერებით, თავისი შინაგანი პატიოსნებით, თავისი შინაგანი პატივისცემით, მე მას ყველა ამ თვისების გამო უდიდეს პატივს ვცემდი. ის არც ბიზნესმენი ყოფილა და არც დიდი ფულის პატრონი. მე გამოვრიცხავ, რომ რაიმე პირადი მოტივის გამო მოეკლათ ბატონი გურამი. როგორ შეიძლებოდა, რომ პირადი მტერი ჰყოლოდა გურამ შარაძეს? რაც შეეხება პოლიტიკურ მოტივს, არა მგონია, რომ ხელისუფლების დონეზე ყოფილიყო ეს მკვლელობა ორგანიზებული. ეს ჩემი ვარაუდია. დანარჩენს გამოძიება აჩვენებს. მე უფრო სხვა მიმართულებით ვიხრები მისი მკვლელობის მიზეზთან დაკავშირებით. გურამი შეურიგებელი იყო სექტების წინააღმდეგ ბრძოლაში და აბსოლუტურად გასაგებიც იყო ჩემთვის მისი პოზიცია ამ საკითხთან დაკავშირებით. ეს იყო ქართველი მართლმადიდებელი ადამიანის პოზიცია, ამიტომ, ვფიქრობ, რომ შეიძლება მისი მკვლელობა სწორედ სექტების წინააღმდეგ ბრძოლას უკავშირდებოდეს. შესაძლოა, რომ სექტანტებში მას მტერი ჰყოლოდა.

,,ახალი თაობა’’, 23 მაისი, 2007

* * *

ფრიდონ დოჩია, ,,ჯორჯიან თაიმსის’’ ჟურნალისტი:
_ გურამ შარაძე ეკლესიის აქტიური მხარდამჭერი და დამცველი გახლდათ და თქვენი აზრით, მისი მკვლელობა ამ საკითხს ხომ არ უკავშირდება?
შალვა ნათელაშვილი, ლეიბორისტული პარტიის ლიდერი:
_ ვინც შეუკვეთა მკვლელობა, სწორედ ამას გულისხმობდა, რომ შეეშინებინა აქტიური მხარდამჭერები, რათა მათ ეკლესიის დასაცავად, ეროვნული ტრადიციების მოშლის წინააღმდეგ აღარ ეაქტიურათ. ასეთი გათვლა ჰქონდათ და, რა თქმა უნდა, გამონახეს მკვლელი, რომელიც დაკვეთის უბრალო შემსრულებელია.
ასეთი რაღაცეები ხელისუფლებაში ძალიან ადვილად იგეგმება. რა თქმა უნდა, ასეთ პიროვნებას არც უშიშროების თანამშრომელი და არც პოლიტიკური მოწინააღმდეგე არ მოკლავდა. აუცილებლად დაიჭერდნენ ვიღაცას, რომელმაც თითქოს საყოფაცხოვრებო ნიადაგზე ჩაიდინა დანაშაული, როგორც, მაგალითად, დათა თუთაშხია მოკლა საკუთარმა შვილმა. ან ისევე, როგორც ის პიროვნება მოიშორეს, ვინც ჟვანიას ექსპერტიზა ჩაუტარა…’’.

,,სინოდმა პატრიარქს დაცვა უნდა გაუძლიეროს’’
“ჯორჯიან თაიმსი”, 24-31 მაისი, 2007

* * *

გულიკო ბალაძე, ,,ახალი თაობის ჟურნალისტი:
_ ბატონო ნოდარ, რატომ ფიქრობთ, რომ გურამ შარაძის საზარელი მკვლელობა პოლიტიკური იყო?
ნოდარ ნათაძე, სახალხო ფრონტის თავმჯდომარე:
_ გურამ შარაძე აქტიური პიროვნება გახლდათ. მართალია, პარლამენტში არ იყო, მაგრამ პოლიტიკურად აქტიურობდა. მას ჰქონდა თავისი სავსებით გამოკვეთილი მიმართულება. იგი იბრძოდა, მაგალითად, საქართველოში ბნელი სექტების პარპაშის, ეროვნული ცნობიერების დათრგუნვის, ეკლესიის შეურაცხყოფისა და მისი გავლენის შემცირების წინააღმდეგ და სხვა. ამიტომ ხელისუფლებისთვის, რომელიც აშკარად ანტიქართულია, გურამის ყოფნა ასპარეზზე მაინცდამაინც სასურველი არ იყო. მაგრამ თუ ის მართლა პოლიტიკურად არის მოკლული (მე ფაქტები არ ვიცი, სუფთა ლოგიკით მოგახსენებთ), ამის მთავარ მიზეზს მისი მოცილების სურვილში კი არ ვხედავ, არამედ საერთოდ საზოგადოების დაშინების სურვილში.
_ ამას ბევრი აღნიშნავს.
_ ე.ი მიზანია საზოგადოების დაშინება.
_ რატომ უნდათ საზოგადოების დაშინება მაინცდამაინც ახლა?
_ იმიტომ, რომ როგორც ჩანს, ძალიან მკვეთრი ანტიქართული ნაბიჯი მზადდება, რომელიც უკავშირდება ან უშუალოდ “ოსეთის” შექმნას საქართველოში, მასში ახალგორის რაიონის შეყვანას, ან კიდევ რაღაც სხვა პრობლემას და ამ საკითხების ქართული ინტერესების საწინააღმდეგოდ გადაწყვეტა უნდათ საზოგადოების მაქსიმალური დათრგუნვის ფონზე.
_ კიდევ ე.წ. თურქი-მესხების მასობრივად შემოყვანა ხომ არ არის დაგეგმილი?
_ ესეც არის. საქართველოს სხეულში რამდენიმე ნელი მოქმედების ბომბია ჩადებული, რომელს როდის ააფეთქებენ, ეს ჩვენ არ ვიცით. ერთია, მესხების საკითხი, მეორეა _ “ოსეთის” შექმნის საკითხი, ან აფხაზეთში კაპიტულაციის საფრთხე და ფედერალიზაციაზე დათანხმება. არის კიდევ ახალ-ახალი სტრატეგიული ობიექტების გაყიდვის გეგმები. ეს პოლიტიკა მიზანმიმართულად საქართველოს ანგრევს რუსეთის დავალებით, მაგრამ ამერიკელების სახელით. ამიტომ განსაკუთრებით მკვეთრი ნაბიჯების გადადგმა სჭირდება, რომ ხალხის წინასწარი ფსიქოლოგიური პარალიზაცია მოხდეს რამდენიმე კვირით მაინც. ვფიქრობ, შარაძე პოლიტიკურად მოკლულია. მთავარი მიზეზი კი ის მგონია, რაზეც მოგახსენეთ.
_ რატომ შეარჩიეს გურამ შარაძე და არა სხვა?
_ შეარჩიეს არა მარტო მისი აქტიურობის გამო. მისი მოქმედების ძირითადი პარამეტრები, ვთქვათ, ბნელ სექტანტობანასთან ბრძოლა, ქართული ეროვნული ცნობიერების დათრგუნვის წინააღმდეგ ბრძოლა და ა.შ. მოსოროსო ტიპაჟისთვის მსოფლიოში განსაკუთრებით გამაღიზიანებელია. ამიტომ ამ ჯიშის ხალხში და ამ ჯიშის პოლიტიკოსებში, უცხოეთში, არავინ დაიწყებს მაინცდამაინც იმის ძიებას, გურამ შარაძე ხომ არ მოკლეს, მის მიმართ ტერორისტული აქტი ხომ არ ჩაიდინესო. ამიტომაც მისი კანდიდატურა, ასე ვთქვათ, მოსაკლავად უფრო მიზანშეწონილი იყო, ვიდრე ვინმე სხვისი.
_ ეროვნულად მოაზროვნე სხვა პოლიტიკოსებსაც ხომ არ ემუქრებათ საფრთხე? მოგეხსენებათ, სხვებიც არიან, რომლებიც ასე თუ ისე, მათ მაინც წინააღმდეგობას გაუწევენ.
_ ყველაზე ლოგიკურია, ვიფიქროთ, რომ ამ მკვლელობით სხვების დაშინებაც ხდება. თუმცა, ვინც დაშინდება, დაშინდება, მაგრამ ვინც პოლიტიკაში სერიოზულადაა, მისი დაშინება შეუძლებელია. ვისაც მორალური მოვალეობის განცდა აქვს, ვერაფრით დააშინებ და ვერაფრით დააჩოქებ, მაგრამ ასეთი მცდელობა არის.
_ მოგეხსენებათ, ყველა ასეთი ფაქტის დროს ხელისუფლება პასუხისმგებლობას თავიდან ირიდებს. როცა დღისით, მზისით, სახალხოდ, ქალაქის ცენტრში ასეთი პიროვნების მოკვლას ბედავენ, ჩადენილი დანაშაული პოლიტიკური იქნება თუ არაპოლიტიკური, ხელისუფლებას ხომ მაინც ეკისრება პასუხისმგებლობა?
_ რა თქმა უნდა, მაგრამ ხელისუფლებამ პასუხისმგებლობა რომ დაიკისროს, ამისთვის მორალის, სიმწიფისა და პასუხისმგებლობის გრძნობის რაღაც მინიმუმი სჭირდება. ამათ კი პიროვნული არც მორალი აქვთ, არც სიმწიფე და არც პასუხისმგებლობა…
“გურამ შარაძის მკვლელობით საზოგადოების
დაშინებას ცდილობენ”
“ახალი თაობა”, 24 მაისი, 2007

* * *

მერაბ ჯიბლაძე, ფიზიკა-მათემატიკის მეცნიერებათა დოქტორი, პროფესორი:
,,ჩარეცხვები’’ დაიწყო და პირველი ტყვიაც გავარდა. ილიას მკვლელობიდან 100 წლის თავზე მუხანათურად მოკლეს ერის საამაყო შვილი, დიდი პატრიოტი და გამოჩენილი მეცნიერი გურამ შარაძე. ბერბიჭაშვილები, თურმე, ბევრი გვყოლია, მაგრამ მადლობა ღმერთს, ილიას გზით მოსიარულენიც არიან ამ ბედკრულ ქვეყანაში’’.

,,ლიტერატურული საქართველო’’, 25 მაისი, 2007

* * *

კონსტანტინე გამსახურდია, პოლიტიკური მოძრაობა ,,თავისუფლების’’ ლიდერი:
“დღეს დანთებული სანთლები ქარიშხალში დანთებული სანთლებია და სწორედ ასეთი სანთელი იყო ბატონი გურამის ცხოვრება, რომელიც ჩაქრა. ამიტომ ჩვენ ამ ქარიშხალს წინ უნდა აღვუდგეთ, რომ სანთელი საერთოდ არ ჩაქრეს საქართველოში” (“რეზონანსი”).

“ქრონიკა”, 28 მაისი _ 3 ივნისი, 2007

* * *

შალვა ნათელაშვილი, ლეიბორისტული პარტიის ლიდერი:
,,გურამ შარაძე როგორ მოკლეს? პირადი მოტივი დაუდეს და ისე მოკლეს, გამოიყენეს ისეთი ფიგურა, რომელიც ფსიქიკურად არ იყო მდგრადი. არასოდეს პოლიტიკოსს არ კლავს პოლიტიკოსი, ყოველთვის გამოიყენება შუალედური ფიგურა. მაგალითად, ილია ჭავჭავაძე მოკლა მეეტლემ, ასევე, კენედის ვითომ მკვლელი აღმოჩნდა ამერიკის მოქალაქე, რომელიც გარკვეული პერიოდი ცხოვრობდა საბჭოთა კავშირში. ასე, რომ პოლიტიკოსების მკვლელობა ყოველთვის ხდება ისეთი ადამიანის ხელით, რომელსაც მოტივად საყოფაცხოვრებო და პირადი შურისძიების მოტივი დაჰკრავს’’. ,,ქრონიკა’’, 28 მაისი _ 3 ივნისი, 2007

* * *

ნინო ბურჯანაძე, პარლამენტის თავმჯდომარე:
,,იმედი მაქვს, რომ დამნაშავე მთელი სიმკაცრით დაისჯება, გაირკვევა დანაშაულის მოტივები. სამწუხაროა, რომ ბატონმა გურამ შარაძემ ასე ტრაგიკულად დაამთავრა თავისი სიცოცხლე’’ (,,ახალი თაობა’’).
მაია ნადირაძე, საპარლამენტო ფრაქცია ,,ნაციონალური მოძრაობა _ დემოკრატების’’ თავმჯდომარე:
,,ზოგიერთმა ჩვენმა კოლეგამ გურამ შარაძის მკვლელობა ხელისუფლებას გადააბრალა. არსებობს რაღაც ზღვარი, რომელსაც გადახვედით. არაფერში გვჭირდება თქვენი ნიჰილიზმი და ყველაფერს უთქვენოდ გავაკეთებთ და დაკარგულ ტერიტორიებსაც უთქვენოდ დავიბრუნებთ’’ (,,ჯორჯიან თაიმსი’’).
გიგა ბოკერია, პარლამენტის იურიდიულ საკითხთა კომიტეტის თავმჯდომარის მოადგილე:
,,ნებისმიერი მოქალაქის დაღუპვა ძალიან ტრაგიკული შემთხვევაა. ორი აზრი არ არსებობს, რომ სამძიმარი უნდა გამოვუცხადოთ ოჯახს. რაც შეეხება იმას, რომ მკვლელობა დღისით, მზისით მოხდა, უნდა გითხრათ, რომ ასეთი ტრაგედიები ჩვენზე უფრო სტაბილურ ქვეყნებშიც ხდება’’ (,,ახალი თაობა’’).

,,კვირგვინოსნები’’
,,ასავალ-დასავალი’’, 28 მაისი _ 3 ივნისი, 2007

* * *

გია მაისაშვილი, ორგანიზაცია ,,მომავლის მთავრობის’’ ლიდერი:
,,გურამ შარაძის არსებობა უკვე იყო ძალიან დიდი უხერხულობა ხელისუფლებისთვის… მე ამ მკვლელობაზე პასუხისმგებლობას ხელისუფლებას და მის პირველ პირს ვაკისრებ. არა აქვს მნიშვნელობა, რა პირობებში მოკლეს. ასეთ მკვლელობაზე ყოველთვის ხელისუფლება და პირველი პირი აგებს პასუხს’’ (,,ახალი თაობა’’).
ელიზბარ ჯაველიძე, პოლიტიკური მოძრაობა ,,21-ე საუკუნის~ ლიდერი, აკადემიკოსი:
,,ეს არის პოლიტიკური შეკვეთა, დროების შეკვეთა და სასხლეტს თითი ვინ გამოკრა, ნაკლებად მნიშვნელოვანია’’ (,,ჯორჯიან თაიმსი’’).

,,კვირგვინოსნები’’
,,ასავალ-დასავალი’’, 28 მაისი _ 3 ივნისი, 2007

* * *

ირაკლი წერეთელი, ,,საქართველოს ეროვნული დამოუკიდებლობის პარტიის’’ ლიდერი:
,,გურამ შარაძემ გაიზიარა მისი სათაყვანებელი ილია ჭავჭავაძის უმძიმესი, მაგრამ უღირსეულესი და მოწამეობრივი ხვედრი. მრავლისმეტყველია ის ფაქტი, რომ სწორედ, ილია ჭავჭავაძის 100 წლის თავზე ესროლეს ტყვია ცოცხალთა შორის ილია ჭავჭავაძის ერთ-ერთ პირდაპირ სულიერ და ღირსეულ მემკვიდრეს (,,ახალი თაობა’’).

,,კვირგვინოსნები’’
,,ასავალ-დასავალი’’, 28 მაისი _ 3 ივნისი, 2007

* * *

დიტო ჩუბინიძე, ,,ასავალ-დასავალის’’ ჟურნალისტი:
_ ბატონო თემურ, გურამ შარაძის მკვლელობაზე რას ფიქრობთ?
თემურ შაშიაშვილი, მოძრაობა ,,წინ საქართველოს’’ ერთ-ერთი ლიდერი, იმერეთის ყოფილი გუბერნატორი:
_ ყველა მკვლელობა, რომელიც საქართველოში ხდება, უნდა თუ არა ვინმეს, პოლიტიკის, ქვეყანაში შექმნილი სიტუაციის შედეგია!.. მე საქართველოს პრეზიდენტის წყნარი და მშვიდი გამოსვლა არ მინახავს, სულ გაიძახის, _ ,,მტრების ჯინაზე’’… რას ნიშნავს ეს, _ შარაძე იყო მტერი?.. შეიძლება გურამ შარაძისა ბევრი რამ არ მომწონდა, მაგრამ ვერ ვიტყვი და ეს იქნება მკრეხელობა, რომ გურამ შარაძეს ძვალსა და რბილში არ ჰქონდა გამჯდარი საქართველოს სიყვარული!..

,,სააკაშვილს ხელისუფლებას გაუყოფენ’’
,,ასავალ-დასავალი’’, 4-10 ივნისი, 2007

* * *

დიტო ჩუბინიძე, ,,ასავალ-დასავალის’’ ჟურნალისტი:
_ ბატონო კონსტანტინე, რამდენადაც ჩემთვის ცნობილია, აკადემიკოს გურამ შარაძის მკვლელობა თქვენ ასე შეაფასეთ _ ,,დემონსტრაციული დახვრეტა!’’. ახლა რას იტყვით, როცა ამ ავბედითი დღის შემდეგ, გარკვეული დრო გავიდა და ემოციები თითქოსდა ჩაცხრა, _ ეს მაინც ,,დემონსტრაციული დახვრეტა’’ იყო?
კონსტანტინე გამსახურდია, პოლიტიკური მოძრაობა ,,თავისუფლების’’ ლიდერი:
_ ბატონი გურამ შარაძის მკვლელობა ჩემთვის იმთავითვე პოლიტიკური მკვლელობა იყო და ახლაც ასეთად რჩება. საყოფაცხოვრებო ნიადაგზე ასეთ ადამიანებს, როგორც წესი, არ კლავენ. ნუ დაგვავიწყდება, რომ ბატონი გურამი ორჯერ იყო გასამართლებული დღევანდელი რეჟიმის მიერ ხულიგნობის ბრალდებით და ელექტრონულ მედიებში მასზე არაოფიციალურად ტაბუ იყო დადებული. დღევანდელი სახელმწიფო რეზონანსიდან გამომდინარე, სწორედ, მისი ეროვნული მოღვაწეობის და აქტიური მოქალაქეობრივი პოზიციის გამო იგი შერისხული ჰყავდათ. ნუ დაგვავიწყდება, რომ ხელისუფლებამ და მისმა ორგანოებმა დღემდე არ გასცეს პასუხი უამრავ შეკითხვას. ბრიფინგიც კი არ მოუწყვიათ. ნუთუ ეს ასე ძნელი იყო, მით უმეტეს, რომ ე.წ. მკვლელი მაშინვე იქნა დაკავებული? ეს ნიშნავს, რომ ვერ არის ყველაფერი რიგზე. ახლა, ალბათ, მავანი ცდილობს, რაც შეიძლება დამაჯერებელი ვერსია გამოჩეკოს, მაგრამ შუბი ხალთაში არ დაიმალება, ხოლო, გუდაში ჩასმულ ეშმაკს კუდი და რქები მაინც გამოუჩნდება.
კარგად გვახსოვს 2005-ში, ზურაბ ჟვანიას დაღუპვის შემდეგ იჩქარეს, მაშინვე სისულელეები წამოროშეს, რამაც ყველაფერი კიდევ უფრო საეჭვო გახადა. ისე ჩანს, რომ ბარათელი, თუნდაც იგი თავის თავზე იღებდეს ამ მკვლელობას, ყურადღების გადატანის მიზნით არის შემოყვანილი ამ აქციაში. ნამდვილმა მკვლელმა კი თავისი ხელობა საკმაოდ მაღალ დონეზე იცის: სამივე ნასროლი ,,საკონტროლოა’’.…

,,ფრთხილად! სამეგრელოში რუსთხელმწიფისა
და ხუნტის აგენტები დაძ|რწიან!!!’’
,,ასავალ-დასავალი’’, 4-10 ივნისი, 2007

* * *

გიორგი მამაცაშვილი, ,,ასავალ-დასავალის’’ ჟურნალისტი:
_ ლევან, თქვენთან საუბრისას გვერდს ვერ ავუვლი ბატონი გურამ შარაძის მკვლელობის თემას. სწორედ, საჯარო ბიბლიოთეკიდან მიმავალი მეცნიერი დახვრიტეს ნაძირალებმა დედა-უნივერსიტეტის სიახლოვეს, დიდი აკაკი შანიძის სახელობის ქუჩის კუთხეში.…
ლევან თაქთაქიშვილი, ეროვნული ბიბლიოთეკის დირექტორის მოადგილე:
_ ეროვნული ბიბლიოთეკიდან რომ მიდიოდა ბატონი გურამი, ესეც არ მიმაჩნია შემთხვევითობად. მას თითქმის ყოველდღე ჰქონდა ჩვენთან კავშირი. დღის ბოლომდე რჩებოდა ქართული ნაბეჭდი გამოცემების საარქივო ფონდში. მუშაობდა აკაკი წერეთლისადმი მიძღვნილ ხუთტომეულზე. გამოსაცემად მზად ჰქონდა ორტომეული ,,ძველი გურია’’. მისი ბოლო წიგნი, ,,აკაკის სიკვდილი და დასაფლავება’’, მალე ჩამოვა და მგონი, არც ეს არის შემთხვევითი.
სხვათა შორის, პირველ გვერდზე უნდოდა აკაკის ფოტოს დაბეჭდვა, სადაც მგოსანი სარეცელზეა გადაღებული. მძიმე ხომ არ იქნებაო, სულ მეკითხებოდა…
მკვლელმა ესროლა სრულიად საქართველოს! ყველას გვესროლა! ყველას გული გვატკინა ბატონი გურამის გარდაცვალებამ. მე, საერთოდ, შეშლილი ვიყავი იმ დღეების განმავლობაში და დღესაც ვერ გამოვსულვარ შოკიდან. მკვლელობის წინა დღეს ვნახე ბატონი გურამი. ლევაშოვის სურათი მთხოვა რამდენიმე დღით ადრე და შაბათს მივეცი. თან, ძალიან ჩქარობდა. შაბათს მისი გულისთვის მივედი სამსახურში და კვირას დაუტოვებია ბიბლიოთეკაში დიდი მადლობით. მერე გავიგე ეს ამბავი. გურამ შარაძის გარდაცვალებით ქართული წიგნის ისტორიამ, ქართული წიგნის მკვლევარებმა და მოყვარულებმა აუნაზღაურებელი დანაკლისი განიცადეს! სხვათა შორის, მე გამოვრიცხავ პოლიტიკური მოტივით მკვლელობას. ასე მჯერა მე! ის მოკლა არამზადის მიერ ნასროლმა ტყვიამ! რომც არ იყოს ბარათელი მკვლელი და თუ იგი იბრალებს ამ ყველაფერს, უარესი დანაშაულია მისი!
ნუ დაგავიწყდებათ, რომ 2001 წელს, ბატონმა გურამ შარაძემ და მისმა შვილმა, გიორგი შარაძემ ჩამოიტანეს საქართველოში 1918 წლის 26 მაისის დამოუკიდებლობის აქტის ორიგინალი და სხვა, უამრავი ჩვენი ერისთვის ფასდაუდებელი განძი შვეიცარიიდან, აკაკი ჩხენკელის ოჯახიდან!

,,დამიდგეს ,,ასავალ-დასავალი’’ გვერდით
და შევქმნათ რუსთაველის მუზეუმი!
,,ასავალ-დასავალი’’, 4-10 ივნისი, 2007

* * *

ვახტანგ ხარჩილავა, მწერალი, ჟურნალისტი:
,,ჩვენ თავდადებული ერი ვართ, ბალიშზე თავ დადებული ერი… ჩვენ თავ დადებული ერი ვართ _ ხან ბალიშზე გვიდევს თავი, ხან საჯალათო კუნძზე.
…თავ დადებულმა ერმა მშვიდად მიიღო ინფორმაცია გურამ შარაძის მკვლელობის შესახებ _ ერთი კი წამოსწია თავი და უკმაყოფილოდ წაიბუზღუნა: _ რა შემაძრწუნებელი ამბები ხდებაო, _ და ისევ ბალიშზე დადო ამდენი ძილისგან გაბურბუსალებული თავი.… თავ დადებულმა ერმა არ იცის, რომ იმ თავის მოჭრას უპირებენ, ბალიშზე რომ უდევს ნეტარად…’’.…

,,თავ დადებული ერი’’
,,ასავალ-დასავალი’’, 4-10 ივნისი, 2007

* * *

ნონა ბენდელიანი, ,,ასავალ-დასავალის’’ ჟურნალისტი:
_ ეს პერიოდი ტრაგიკულობითაც გამოირჩეოდა. ქალაქის ცენტრში მოკლეს აკადემიკოსი გურამ შარაძე, შემდეგ კი _ ბიზნესმენი ზვიად ცეცხლაძე.
ლევან ბერძენიშვილი, ,,რესპუბლიკური პარტიის’’ წევრი, პარლამენტარი:
_ ნებისმიერი ადამიანის სიკვდილი, თავისთავად ტრაგედიაა, მაგრამ, აქ ფაქტია უპირველესად საგანგაშო _ ამ ქვეყანაში საზოგადოების ყველა ფენა დაუცველია ისე, როგორც არასდროს. იმის მაგივრად, გამოეთქვათ სინანული, რომ მათ ვერ დაიცვეს ცნობილი საზოგადო მოღვაწე, აკადემიკოსი, ვერ დაიცვეს ქველმოქმედი ბიზნესმენი, გამოვიდნენ და ზღაპრებს გვიყვებიან, რა კარგი სამინისტრო გვყავს, მკვლელბი რა ოპერატიულად დააკავაო. ამ ყველაფრის შემდეგ, თითქოს ბრმები ვიყოთ, გამოდის ბოკერია და გვიმტკიცებს, რომ დანაშაულმა იკლო!

,,ხელისუფლება თავხედობის ზღვარს მიღმა აღმოჩნდა’’
,,ასავალ-დასავალი’’, 4-10 ივნისი, 2007

* * *

გია ბურჯანაძე, პოლიტიკური მოძრაობა `ქრისტიან-დემოკრატების~ ლიდერი:
,,სააკაშვილმა რამდენიმე დღის წინ თურქული უნივერსიტეტი გახსნა, გურამ შარაძე კი ამას შეეწინააღმდეგებოდა’’ (,,ახალი თაობა’’).

,,კვირგვინოსნები’’
,,ასავალ-დასავალი’’, 4-10 ივნისი, 2007

* * *

იაკობ ახუაშვილი, აკადემიკოსი, საგვარეულო კავშირ ,,გვარიშვილობის” პრეზიდენტი:
,,სატანისტთა ერთ-ერთ ოქმში ისიც წერია, თუ რატომ უნდა გააქრონ გურამ შარაძისნაირი პიროვნებები. ისინი ასეთ ადამიანებს ატომურ ბომბს ადარებენ, რომელიც ყველა შემთხვევაში უმართავი და საშიშია… ამათ კაცობისა არაფერი სცხიათ, გურამ შარაძე პარლამენტის ყოფილი წევრი იყო, კარგა ხანს ერთად იყვნენ, მაგრამ დაკრძალვაზე მოსვლა ვერც ერთმა დეპუტატმა ვერ გაბედა, ეს ხომ უსინდისობაა?!

`ქრონიკა~, 4-10 ივნისი, 2007

* * *

ელენე თევდორაძე, ადამიანის უფლებათა საპარლამენტო კომიტეტის თავმჯდომარე:
,,როდესაც გურამ შარაძე მოკლეს, მომინდა მეყვირა, რომ არ შეიძლება ამდენი უკონტროლო იარაღის არსებობა საზოგადოებაში’’ (,,რეზონანსი’’).

,,ქრონიკა’’, 4-10 ივნისი, 2007

* * *

ირაკლი წერეთელი, ,,ეროვნული დამოუკიდებლობის პარტიის’’ თავმჯდომარე:
,,ოპოზიციამ, თუ რამის მაქნისები ვართ, კეთილი უნდა ვინებოთ და ამ ხელისუფლებას გურამ შარაძის დაღვრილი სისხლი არ ვაპატიოთ, თორემ მომავალში, მიხეილ სააკაშვილი სულ გლიჯინ-გლიჯინით, ისევ გახდება საქართველოს პრეზიდენტი (,,ახალი თაობა”).

,,კვირგვინოსნები’’
,,ასავალ-დასავალი, 11-17 ივნისი, 2007

* * *

დიტო ჩუბინიძე, ,,ასავალ-დასავალის~ ჟურნალისტი:
_ ბატონო შალვა, გურამ შარაძის მკვლელობის ფაქტს რა კომენტარს გაუკეთებთ?
შალვა ნათელაშვილი, ლეიბორისტული პარტიის ლიდერი:
_ მკვლელობიდან რამოდენიმე წუთში ჩვენმა პარტიამ განაცხადა, რომ რა არგუმენტებიც არ უნდა მონახოს ხელისუფლებამ, ნებისმიერ შემთხვევაში ეს იყო პოლიტიკური ტერაქტი! ეს იყო ტერაქტი, რომელიც არავის გაკვირვებია, რადგან ბატონი გურამი ცნობილი იყო თავისი შეურიგებლობითა და ეროვნულობით… ამ ხელისუფლებამ ბატონი გურამის მკვლელობით ორი კურდღელი დაიჭირა, _ ჯერ ერთი, მოიშორა თავისი მოწინააღმდეგე და მეორე, _ დააშინა მთელი პოლიტიკური სპექტრი, თანაც, გვითხრა, _ ,,თუ არ გაჩერდებით, აი, ეს ამბავი გელით~! მაგრამ ამათ, ეტყობა არ იციან, რომ თუ წინააღმდეგობა გაიზრდება, კაბინეტებიდან ხელისუფლების წარმომადგენელთა გამოყრის ერთ-ერთი მნიშვნელოვანი ფაქტორი ბატონი გურამის მკვლელობა იქნება!..

,,4 სექტემბერს სტრასბურგში სააკაშვილისა და
ნათელაშვილის ბედი გადაწყდება~
,,ასავალ-დასავალი~, 18-24 ივნისი, 2007

* * *

გიორგი მამაცაშვილი, ,,ასავალ-დასავალის~ ჟურნალისტი:
_ ბატონო ჯანსუღ, გურამ შარაძესთან როგორი ურთიერთობა გქონდათ?
ჯანსუღ ჩარკვიანი, პოეტი:
_ რამდენიმე ხნის მანძილზე რაღაცეებში არ ვეთანხმებოდი… შემდეგ ძალიან ნორმალური ურთიერთობა მქონდა. მერე, …შესანიშნავი წიგნები გამოსცა, მისახსოვრა კიდეც… მართლა კარგი რაღაცეები გააკეთა… არ ვიცი, რა მოხდა, მაგრამ ერის სამსახურში ყოფნის სურვილი რომ ჰქონდა, ეს ფაქტია! სანამ მკითხავ, გეტყვი: მე და ზვიად ცეცხლაძე ბავშვობიდანვე ძმები ვიყავით… ასეთი კაცი იშვიათი იყო! ასეთ კაცებზე რომ ხელს აღმართავ, არაკაცი ხარ! საქართველოში ხშირად იციან ასე _ მკვდარი პოეტი უფრო უყვართ, ვიდრე ცოცხალი!..

,,მიშა, უფრთხილდი მონას!~
,,ასავალ-დასავალი~, 18-24 ივნისი, 2007

* * *

გიორგი მამაცაშვილი, ,,ასავალ-დასავალის~ ჟურნალისტი:
_ ვინ მოკლა გურამ შარაძე?
ავთანდილ იოსელიანი, საქართველოს უშიშროების მინისტრის ყოფილი პირველი მოადგილე, დაზვერვის დეპარტამენტის ყოფილი თავმჯდომარე:
_ ხომ დაიჭირეს, ვინც მოკლა?! ვინც მოკლა მკვლელი ის არის და ძიება რას აკეთებს, ან რა ინფორმაცია აქვს, მე ვერ გეტყვით.
_ თქვენი გამოცდილების კაცს გჯერათ, რომ სწორედ ბარათელია მკვლელი?
_ ფაქტი სახეზეა, რომ ბარათელი დაკავებულია. თხუთმეტ წუთში დააკავეს. შეიძლება ბარათელმა მოკლა და ვიღაცის დავალებით ჩაიდინა დანაშაული. ეს უკვე სხვა თემაა. ვინც ალაპარაკეს, თვითმხილველები, და რაც განაცხადეს შინაგან საქმეთა სამინისტროს წარმომადგენლებმა _ მკვლელი ბარათელია. მაგრამ, კიდევ ვიმეორებ, შეიძლება, დავალების მიმცემი სხვა იყოს. ეს ჯერ გასარკვევია.
_ კოლხური კოშკის გადასარჩენად ზვიად გამსახურდიას მიერ ლამის 15 წლის წინათ დაწერილ რწმუნებას ხომ არ გადაჰყვა ბატონი გურამი, როგორ ფიქრობთ?
_ ვერ გეტყვით. არა მგონია. მე ვიცი, რომ კოლხური კოშკის აღდგენაზე მუშაობდა გურამ შარაძე და ბოლო დროს კოშკის საკითხით ხელისუფლებაც დაინტერესდა. ვიცე-მერმა ახვლედიანმა გააკეთა ამ თემაზე კომენტარი…

,,ავთანდილ იოსელიანის დაკითხვის ოქმი #2~
,,ასავალ-დასავალი~, 18-24 ივნისი, 2007

* * *

მერაბ ჯიბლაძე, ფიზიკა-მათემატიკის მეცნიერებათა დოქტორი, პროფესორი:
,,ჩვენ, შეიძლება, კიდევ უფრო უარეს დღეში აღმოვჩნდეთ. ეს უარესი კი საქართველოს დიდ თურქეთთან იძულებითი შეერთება იქნება. უფრო მეტიც, დიდი ქართველი მამულიშვილის და ეროვნული მოღვაწის გურამ შარაძის განცხადებით, სწორედ, 1918 წლის 26 მაისს, საქართველოს რესპუბლიკის დამოუკიდებლობის გამოცხადებისთანავე, ახალციხის რეგიონში მცხოვრებმა თურქებმა თურქეთთან შეერთება ისურვეს და შესაბამისი დეკლარაციაც მიიღეს! საუბედუროდ, ეს იდეა დღესაც აქტუალურია, იმდენად აქტუალური, რომ თვით გურამ შარაძის სიცოცხლე შეეწირა!’’.

,,ლიტერატურული საქართველო’’, 13 ივლისი, 2007

* * *

გია საყვარელიძე, სპორტის დამსახურებული მუშაკი, ლეიბორისტული პარტიის კოორდინატორი:
,,ბატონი გურამ შარაძის მკვლელობის ადგილზე უნდა დაიდგას ამ დიდად სამწუხარო ფაქტის აღმნიშვნელი მონუმენტი წარწერით: ,,ამ ადგილზე 2007 წლის 20 მაისს, საღამოს 8 საათსა და 20 წუთზე ხელისუფლება ღიად დაუპირისპირდა ეროვნებასა და სარწმუნოებას!’’.

,,კვირგვინოსნები’’
`ასავალ-დასავალი~, 16-22 ივლისი, 2007

* * *

გიორგი მამაცაშვილი: ,,ასავალ-დასავალის’’ ჟურნალისტი:
_ მოკლეს გურამ შარაძე და თქვენი პოზიცია კი ყველასთვის უცნობია!
ვახტანგ რაზმაძე, საქართველოს ყოფილი გენერალური პროკურორი:
_ ჩემთვის ცოტა ძნელია მკვლელის დასახელება, მაგრამ ხელისუფლების და გარეშე ხალხის ხელი რომ ურევია, ფაქტია! აბა, ის ბარათელია მკვლელი? გამორიცხულია! რატომ დუმს გამოძიება? რატომ არ აქვეყნებენ ან ბარათელის ჩვენებებს, ან სხვა მასალებს?.. თუნდაც, ,,ალდაგის’’ ვიდეოთვალით გადაღებული კადრები რატომ არის საზოგადოებისთვის დაფარული? თორემ გურამ შარაძეს რას ერჩოდნენ, კაცო… თავდადებული, ეროვნული, მებრძოლი კაცი იყო. ქართული ენის გადარჩენისთვის, სარწმუნოების გადარჩენისთვის იბრძოდა! ილიას გზით სიარულისთვის იბრძოდა გურამ შარაძე! ამაზე იყო გადამკვდარი!’’.

,,ვახტანგ რაზმაძის დაკითხვის ოქმი #1’’
,,ასავალ-დასავალი’’, 6-12 აგვისტო, 2007

* * *

გერმანე ფაცაცია, ყოფილი პარლამენტარი:
,,გურამ შარაძის უპირველესი საზრუნავი გახლდათ ის, რომ ჩვენი კულტურული მონაპოვარი მომავალი თაობებისთვის შემოენახა. სულიერი ფასეულობების რეალური განმცდელი, თუ ამ სფეროში რაიმე საეჭვოს შეამჩნევდა, ქუხდა და მრისხანებდა’’.

,,საუკეთესო პარლამენტართა ნაკრები’’
,,ასავალ-დასავალი’’, 2007 წ., 20-26 აგვისტო

* * *

გიორგი მამაცაშვილი, ,,ასავალ-დასავალის’’ ჟურნალისტი:
_ სექტების წინააღმდეგ ყველაზე განსხვავებული და გამორჩეული მეთოდებით თქვენ და გურამ შარაძე იბრძოდით… დღეს უკვე მარტოს მოგიწევთ იგივე გზის გავლა.…
მამა ბასილ მკალავიშვილი, გლდანის ივერიის ყოვლადწმიდა ღვთისმშობლის ეკლესიის წინამძღვარი:
_ როდესაც გავიგე გურამ შარაძის სიკვდილი, მაშინვე მივხვდი, რაშიც იყო საქმე. მსოფლიოს ანტიქრისტიანული ძალები ებრძვიან საქართველოს და განსაკუთრებით _ მართლმადიდებლობას. იეღოველთა სექტა არც სამშობლოს იცავს და ღვთისმშობლის წილხვედრი ქვეყნის დასაცავად არც არაფერს გააკეთებს. რა თქმა უნდა, გურამ შარაძე იყო ერთ-ერთი ის პიროვნება, რომელიც მკაცრად იცავდა მართლმადიდებლობას და ამიტომ მოკლეს ის! ალბათ, სხვასაც მოკლავენ. ყველას, ვინც ხმას ამოიღებს სარწმუნოების დასაცავად, ალბათ, ასე მოექცევიან!..

,,მზად ვარ შევურიგდე სრულიად საქართველოს
კათოლიკოს-პატრიარქს ილია მეორეს’’
,,ასავალ-დასავალი’’, 20-26 აგვისტო, 2007

* * *

მამა კონსტანტინე კოღუაშვილი:
,,მართლმადიდებლობისთვის, ერისთვის თავდადებულ მებრძოლს, აკადემიკოს გურამ შარაძეს ყველას თვალწინ, ქუჩაში ესროლეს, მაგრამ ვინმემ ხმა ამოიღო? მოკლულ კაცს კიდევ ხმები დაუყარეს, თითქოს, მის ოჯახს ვიღაცის წინაშე რაღაც დანაშაული ჰქონდა ჩადენილი და ამიტომ მოკლესო, მაგრამ ჩვენ ხომ კარგად ვიცით, რისთვის მოკლეს გურამ შარაძე. ის ერის გაერთიანებისთვის, მართლმადიდებლობისთვის იბრძოდა, რადგან იცოდა, რომ ჩვენ მხოლოდ ქრისტეს გზაზე, ერთი გუმბათის ქვეშ დადგომა და ერთ ენაზე ლოცვა გადაგვარჩენდა. ჩვენ არც მაშინ ამოვიღეთ ხმა იმიტომ, რომ ესეც სხვის ჭირად მივიჩნიეთ, ან უფრო უარესი _ გამბედაობა არ გვეყო~.

,,დღევანდელი ხელისუფლება ეკლესიის ხელყოფაზეც წავა!’’
,,ასავალ-დასავალი~, 3-9 სექტემბერი, 2007

* * *

დიტო ჩუბინიძე, ,,ასავალ-დასავალის’’ ჟურნალისტი:
_ სასამართლოზე როგორი განწყობა იყო (იგულისხმება სტრასბურგში ადამიანის უფლებათა დაცვის ევროპის სასამართლოში გამართული ქართველი ლეიბორისტების სარჩელის განხილვა, რედ.)?
დარეჯან ცხადაძე, გერმანიის მოქალაქე ქართველი ქალბატონი:
_ დარბაზში მსხდომი ხალხი _ ევროპელი იურისტები და ადვოკატები, თითქმის ყველანი შალვა ნათელაშვილის მხარეს იყვნენ. სასამართლოს დამთავრების შემდეგ, მათ გვითხრეს, რომ იციან, რაც საქართველოში სინამდვილეში ხდება და იციან, როგორ არღვევს სააკაშვილის რეჟიმი ადამიანის უფლებებს. მათთვის, მაგალითად, კარგად იყო ცნობილი სანდრო გირგვლიანისა და ბატონი გურამ შარაძის მკვლელობის დეტალები.…
_ ქალბატონო დარეჯან, გურამ შარაძის მკვლელობის თემამ სასამართლოს მიმდინარეობის დროს გაიჟღერა თუ სასამართლოს დამთავრების შემდეგ?
_ უშუალოდ პროცესზე!
_ ვინ ისაუბრა ამის შესახებ?
_ შალვა ნათელაშვილის ადვოკატმა, ჯოანა რინეჰაუმ სასამართლოს პირდაპირ განუცხადა, რომ სააკაშვილის საქართველოში მძვინვარებს ტერორი, ხელისუფლების ოპონენტებს სასტიკად უსწორდებიან და რომ ამის ნათელი მაგალითია ამ სამი თვის წინ აკადემიკოს გურამ შარაძის დახვრეტა, რომელიც ქუჩაში, ხალხის თვალწინ გამოასალმეს სიცოცხლეს.
_ ამაზე სააკაშვილის წარმომადგენლებმა რა თქვეს, როგორი იყო მათი რეაქცია?
_ ხმას არ იღებდნენ, ძალიან დაბნეულები ჩანდნენ!..

,,შალვა ნათელაშვილმა ევროსასამართლოში სააკაშვილის
წარგზავნილები დააამუნჯა!
,,ასავალ-დასავალი~, 10-16 სექტემბერი, 2007

* * *

ელიზბარ ჯაველიძე, პოლიტიკური მოძრაობა ,,21-ე საუკუნის~ ლიდერი, აკადემიკოსი:
_ გურამ შარაძე იმიტომ მოკლეს, რომ ცხონებული გურამი პატრიოტი, ეროვნული კაცი იყო. კაცი სახალხოდ დახვრიტეს, დღისით, მზისით, ორი საათი ხელი არ მოკიდეს, ქუჩაში დატოვეს და ამით ყველა გაგვაფრთხილეს, _ ხომ ხედავთ, რასაც გვინდა, იმას ვიზამთ, შარაძეს რა ვუქენით და რიგით ადამიანებს რას ვუზამთო!…
დიტო ჩუბინიძე, ,,ასავალ-დასავალის’’ ჟურნალისტი:
_ ბატონო ელიზბარ, გურამ შარაძის ხსოვნას თქვენ, მგონი, წიგნს უძღვნით…
_ დიახ, სულ მალე გამოვა ჩემი მონოგრაფია _ ,,ავაჰმე, ჩემო მამულო’’, რომელიც გურამ შარაძის ხსოვნას ეძღვნება…

,,საქართველოს ხელისუფლებაში რაღაც ნიშნით ყველა დეგენერატია!’’
,,ასავალ-დასავალი’, 17-23 სექტემბერი, 2007

* * *

თეა ასათიანი, ,,ასავალ-დასავალის’’ ჟურნალისტი:
_ გურამ შარაძის მკვლელობის ოფიციალური ვერსიის თუ გჯერათ? მკვლელობაში ბრალდებულმა გიორგი ბარათელმა დანაშაული არ აღიარა.
მალხაზ გველუკაშვილი, მეტაფიზიკოსი:
_ ჯერ ერთი, რომ შარაძის მკვლელობის ოფიციალური ვერსია, უფრო სწორად მკვლელობის მიზეზი არ დასახელებულა. ეტყობა, საქმე ჯერჯერობით კიდევ ვერ შეკერეს. გურამ შარაძის მკვლელობა წმინდა წყლის პოლიტიკური მკვლელობა იყო. ეს ჩემთვის სრულიად სხვა, ზურაბ ჟვანიასა და ნუგზარ საჯაიასგან სრულიად განსხვავებული თემაა. გურამ შარაძე ნამდვილად დააკლდა საქართველოს. ვერ ვიტყვი, რომ მას არაფერი ეშლებოდა, მაგრამ ის ძალიან ღირებული ადამიანი იყო საქართველოსთვის. ამ ხელისუფლებისთვის კი ნებისმიერი ღირებული ადამიანი საშიშია. სააკაშვილისთვის საშიშია ყველა, ვინც ეროვნული პოლიტიკის მატარებელია, რადგან იცის, რომ ადრე თუ გვიან, ხალხი, სწორედ, ეროვნულ ადამიანებზე გააკეთებს არჩევანს, მხოლოდ ეროვნული პოლიტიკა გადაარჩენს საქართველოს!
გურამ შარაძე სერიოზულად უშლიდა ხელს ამ ხელისუფლებას. ყოველნაირად ცდილობდნენ, რომ იგი დასაცინი გაეხადათ, მის ავტორიტეტს დაბლა სწევდნენ. ამ ორი დღის წინ გავიგე, ლტოლვილთა და განსახლების სამინისტროს საიტზე წერია, რომ ქართველები სემიტები ვყოფილვართ, რაც გულისხმობს, რომ ჩვენ ავტოქტონური ერი არა ვართ! ფაქტია: სერიოზული მუშაობა მიდის ქართველი ერის საწინააღმდეგოდ. გურამ შარაძე კი ამაში ხელს უშლიდათ. მისი მკვლელობით საზოგადოებისთვის საჭირო კაცი მოიშორეს. შეიძლება, ბევრი არ იდგა გურამ შარაძის გვერდით, მაგრამ რასაც ის ამბობდა, ყველას გულზე ხვდებოდა, მისი სიტყვა საზოგადოებრივ აზრზე მოქმედებდა. სააკაშვილმა უნდა იცოდეს ისიც, რომ სიკვდილი სასიკეთოდ არასდროს არ ცვლის სიტუაციას, პირიქით, აუარესებს…

,,სააკაშვილი უკვე აღარაფერს წყვეტს!’’
`ასავალ-დასავალი~, 8-14 ოქტომბერი, 2007

* * *

მერაბ ჯიბლაძე, ფიზიკა-მათემატიკის მეცნიერებათა დოქტორი, პროფესორი::
,,სიმართლის დადგენის რომ ეშინიათ, ეს დიდი ქართველი ეროვნული მოღვაწისა და მეცნიერის გურამ შარაძის მკვლელობასთან დაკავშირებულ სასამართლო პროცესზეც კარგად გამოჩნდა. საკმარისი იყო ადვოკატს ეჭვი შეეტანა იმაში, რომ ვინმე ბარათელი სულაც არაა მკვლელი და ვიდეოთვალით გადაღებული ჩანაწერის ექსპერტიზა მოითხოვა მარტივი საგამომძიებლო ექსპერიმენტის ჩატარების გზით, რომ პროკურორი ისე გაბრაზდა, თითქოს, ვიღაცამ დიდი შეურაცხყოფა მიაყენა. როცა პროკურორს ვკითხე, თუ რატომ იყო წინააღმდეგი, ეს ახალგაზრდა ძალზე გაცხარდა, ,,როგორ ბედავო ხმის ამოღებას’’, _ მომაძახა და მიზეზი მაინც ვერ მოვისმინეთ. მთავარი კი ისაა, რომ პროკურორსა და მოსამართლეს სულაც არ სურთ სიმართლის დადგენა. როდესაც დარბაზში მყოფნი მიხვდნენ, რომ სასამართლო უნიჭოდ დადგმულ სპექტაკლს დაემსგავსა და განაჩენი ადრევე იყო გამოტანილი, პროტესტის ნიშნად, დარბაზი დატოვეს. ასეთ სპექტაკლში მონაწილეობა ნამდვილად შეუძლებელია. განსაცვიფრებელი ფაქტია, როდესაც დაზარალებულები განსასჯელის მხარეს არიან და მის დანაშაულში ეჭვი ეპარებათ. ის, რომ გურამ შარაძის მკვლელობა, ისევე, როგორც ირაკლი ბათიაშვილის დაპატიმრება, პოლიტიკური დაკვეთაა, ცხადია, მაგრამ კიდევ რამდენი დაპატიმრება და მკვლელობა გველის? ეს ყველაფერი, მხოლოდ, ხალხის დაშინებისთვის ხდება, თუ ხელისუფლებას საკუთარი სავარძლების დაკარგვა აფრთხობს? რატომ არ სურს მართლმსაჯულებას ჭეშმარიტების დადგენა? ნუთუ სიმართლის დადგენის ასე ეშინია ამ ხელისუფლებას?..’’

,,ლიტერატურული საქართველო’’, 19 ოქტომბერი, 2007

* * *

ნესტან კირთაძე, პროფესორი, ლეიბორისტული პარტიის ერთ-ერთი ლიდერი:
,,მინდა გაგახსენოთ 2003 წლის 23 ნოემბერი. ამ დღეს განვითარებული მოვლენები იყო კლასიკური მაგალითი სახელმწიფო გადატრიალებისა. ერთადერთი, ვინც ამის ღიად დაფიქსირება გაბედა პარლამენტის სხდომათა დარბაზში, იყო საზოგადო მოღვაწე, პროფესორი, აკადემიკოსი, გურამ შარაძე. მან, აგრეთვე, მოითხოვა, რომ საქართველოს პარლამენტს ამ ფაქტის შესახებ პოლიტიკური შეფასება გაეკეთებინა’’.

,,ქრონიკა’’, 22-28 ოქტომბერი, 2007

* * *

რევაზ მიშველაძე, მწერალი:
,,დემოკრატიის სახელით დღისით-მზისით ქუჩაში, სახალხოდ დახვრიტეს ეროვნული გმირი გურამ შარაძე, თუმცა, 28 სექტემბერს ხელისუფლების საწინააღმდეგო მიტინგზე ენაწყლიან გამომსვლელთაგან მწერალი გურამ შარაძე არავის გახსენებია…’’.

,,რა ხდება, ხათუნა?’’
,,ასავალ-დასავალი’’, 22-28 ოქტომბერი, 2007

* * *

ჯაბა ჯიშკარიანი, არასამთავრობო ორგანიზაცია ,,თანასწორობის ინსტიტუტის’’ წევრი:
,,…გურამ შარაძე, სამწუხაროდ, დღეს საზოგადოებას არ ახსოვს! ჩვენ რაღაც მიზეზების გამო ხმა ვერ ამოვიღეთ’’.

,,ასავალ-დასავალი’’, 29 ოქტომბერი _ 4 ნოემბერი, 2007

* * *

ჯაბა ხუბუა, ,,ასავალ-დასავალის’’ ჟურნალისტი:
_ ბატონო დილარ, გურამ შარაძის მკვლელობასთან დაკავშირებით, მგონი არ გამოგითქვამთ საჯაროდ აზრი…
დილარ ივარდავა, პოეტი:
_ გურამ შარაძე მართლა ერის შვილი იყო, დიდი კაცი იყო, დიდი მეცნიერი და საქართველოზე შეყვარებული მამულიშვილი. გურამი არავითარი ბართელის მოკლული არ არის. ის ხელისუფლების მსხვერპლია, რადგან ბევრ რამეში უშლიდა ხელს ამათ და მომავალშიც შეუშლიდა, თუნდაც ,,თურქი-მესხების’’ ჩამოსახლების საკითხში. ვინც ამათ წინ აღდგება, კლავენ, როგორც ფრანკოს პერიოდში იყო ესპანეთში სიკვდილის ბრიგადები და გარსია ლორკა მოკლეს’’.

,,სააკაშვილის აღზევებაში დიდი წვლილი მიუძღვის სამეგრელოს
და ახლა ეს შეცდომა უნდა გამოასწოროს სამეგრელომ!’’
,,ასავალ-დასავალი’’, 29 ოქტომბერი _ 4 ნოემბერი, 2007

* * *

ზურაბ გაგნიძე, ეროვნული იდეოლოგიის პარტიის თავმჯდომარე:
,,მე მაქვს ინფორმაცია, რომ გურამ შარაძის მკვლელობის შემდეგ პატრიარქსა და პრეზიდენტს შორის ურთიერთობა გამწვავდა. ქართული ეკლესიის ნგრევის დირექტივას, რომელიც საზღვარგარეთის სოროსული ცენტრებიდან მოვიდა, პარტიარქი ხელს უშლის. არ ვიცი, როგორ და რა ფორმით, მაგრამ იგეგმებოდა პატრიარქის ლიკვიდაცია, რაზეც შარაძე ღიად საუბრობდა…’’.

,,ქრონიკა’’, 12-18 ნოემბერი, 2007

* * *

ირინა გოგოსაშვილი, ,,ქრონიკის’’ ჟურნალისტი:
_ ბატონო ვანო, რა კომენტარს გაუკეთებთ იმ ფაქტს, როდესაც სახალხოდ დახვრეტილ გურამ შარაძეს უნივერსიტეტის ეზოში მიასვენებდნენ და პროფესურის დიდი ნაწილი გარეთ არ გამოსულა, მეტიც, ეზოში ჩამომსხდარი სტუდენტები ფეხზე არ ამდგარან და მზესუმზირას მიირთმევდნენ. თქვენი აზრით, ამ შემთხვევაში ადამიანის გონების რომელ ფენომენზეა ყურადღება გასამახვილებელი?
ივანე კიღურაძე, აკადემიკოსი, ,,ქართული აკადემიის’’ წევრი:
_ როდესაც ბატონი გურამი გარდაიცვალა, ამერიკაში ვიყავი და სამწუხაროდ, ვერ დავესწარი მის დაკრძალვას. თქვენ მართალი ბრძანდებით, როცა ასე სვამთ კითხვას; ძალიან სამწუხაროა, მეტიც, საგანგაშოა ასეთი დამოკიდებულება მიცვალებულის მიმართ. შეიძლება, გურამს ზოგიერთი ადამიანი რაღაცაში არ ეთანხმებოდა, მაგრამ ის, რომ მას თავისი ქვეყანა და უნივერსიტეტი ძალიან უყვარდა, სადავო არ არის…
მე თავში მოგახსენეთ, რომ ეს ხელისუფლება საოცრად თანმიმდევრულია რეპრესიულ ქმედებებში. აბა, დააკვირდით, ამ ხელისუფლებას ყველაზე მეტად რა აღიზიანებს? _ მართალი სიტყვა.

,,ქრონიკა’’, 20-26 ნოემბერი, 2007

* * *

ელიზბარ ჯაველიძე, პოლიტიკური მოძრაობა ,,21-ე საუკუნის~ ლიდერი, აკადემიკოსი:
,,როგორ ავხსნათ ის გამაოგნებელი ფაქტი, რომ უდიდესი მამულიშვილი და სახელოვანი მეცნიერი გურამ შარაძე, დრისით-მზისით, თბილისის ცენტრალურ ქუჩაზე თავხედურად მოკლეს და სხვათა საჩვენებლად და შესაშინებლად კარგა ხანს ცხედარი ჭირისუფლებს არ გაატანეს?! ვინც შეეცდება უარყოფას, რომ ეს იყო პოლიტიკური მკვლელობა, ის მთლად ნორმალური და ჯანსაღი არ გახლავთ. აკადემიკოსი გურამ შარაძე, სწორედ, ამ პოლიტიკურმა სისტემამ მოკლა, რადგანაც იგი თავდაუზოგავად ებრძოდა იმ ძალას, რომელიც დაუნდობლად სპობს ქართულ ტრადიციებს, ზნეობას, ეროვნულ ცნობიერებას და კულტურას და, საბოლოოდ, თვით ქართველ ერს. ამიტომაც, იგი, როგორც გამოუსწორებელი პატრიოტი, რომელიც ვერც თაფლითა და ვერც მათრახით ვერ ,,მოაშინაურეს’’ და თავის რიგებში ვერ მოაქციეს, ფიზიკურად გაანადგურეს. გასაგებია, რომ ამის შესახებ დუმს დამნაშავე ხელისუფლება, მაგრამ ერთობ საგულისხმოა, რატომ დუმს ჩვენი ე.წ. ოპოზიცია ერის ამ დიდი ტრაგედიის გამო, მცირე გამონაკლისის გარდა (კონსტანტინე გამსახურდია, შალვა ნათელაშვილის და სხვ.)?! ხმა არ აუმაღლებიათ ე.წ. ოპოზიციონერებს: ხაინდრავებს, დავითაშვილებს, ბერძენიშვილებს, იუსუფოვ-ხიდაშელებს და სხვ. როცა თინიკო (ასე იხსენიებს თავის თავს) ხიდაშელი აცხადებს, რომ მისი მსოფლმხედველობის წყალგამყოფი ქედი იყო გირგვლიანის სიკვდილი და საერთოდ, სიტყვას არ ძრავს გურამ შარაძის ტრაგედიაზე, ეს სუბიექტური განცდით და სულის ძახილით არ შეიძლება აიხსნას. არ გახლავთ ის ისეთი გულჩვილი ქალბატონი, ადამიანის ტრაგედიამ გული რომ აუჩუყოს. ამის თქმის უფლებას გვაძლევს თუნდაც ის, რომ მან და მისმა მეუღლემ ავტოავარიის შედეგად ორი ქართველი ყმაწვილი (14 და 19 წლის) შეიწირეს და ამ უბედურების გამო სინანულიც კი არ გამოუთქვამთ. ასე, რომ ეს ყოვლად უჩვეული ფაქტი უნდა ავხსნათ, მხოლოდ, პოლიტიკურ-მსოფლმხედველობრივი მრწამსის გამო, თინიკო არის ქართველი ერის მოძულე (სხვათა შორის, ეს სიძულვილი მისმა ექვსი წლის ბავშვმაც გაამჟღავნა, როდესაც ტელეეკრანიდან გვაუწყა, საქართველო არ მიყვარსო) და პირწავარდნილი კოსმოპოლიტი, ამერიკა სიზმარშიაც ეზმანება, როგორც თავისი პოლიტიკური მომავლისა და იმედის ქვეყანა. ამიტომაც, გურამ შარაძე, რომელიც დაუღალავად ებრძოდა აშშ-ს ზრახვებს, ჩვენი ქვეყანა ექცია ტერიტორიად, სადაც უეროვნებო, ურწმუნო, უკულტურო და ცნობიერებაწართმეული ადამიანები იცხოვრებდნენ. ე.წ. ოპოზიციონერებისთვის, თავისი პირადი კეთილდღეობისთვისა და კარიერის გამო ეს კაცთმოძულე გეგმა მისაღები რომ იყო და არის, გურამ შარაძის პიროვნება, როგორც სხვათათვის მისაბაძი, საშიში მაგალითი, არასასურველი იყო. მეტიც, მისი სიკვდილი ამ აშეშეთუმე ,,ოპოზიციონერებისათვის’’ ერთგვარი შვებაც გახლდათ. სხვაგვარად შეუძლებელია აიხსნას ერთი ფაქტი: მიუხედავად იმისა, რომ გირგვლიანის მკვლელობა წინასწარ გამიზნული არ ყოფილა და იგი წამების დროს შემოაკვდათ ჯალათებს, ხოლო, გურამ შარაძის ფიზიკური ლიკვიდაცია წინასწარ იყო დაგეგმილი, იგი პროფესიონალმა ქილერმა გამოასალმა სიცოცხლეს, რაც უფრო დიდი დანაშაულია ხელისუფლებისთვის, ვიდრე გირგვლიანის მკვლელობა, ,,რესპუბლიკელები’’ კრინტსაც არ ძრავენ და არ აპროტესტებენ ამ ფაქტს!.. მოკლედ, სავსებით ცხადია, რომ ,,ხელისუფლების’’ უმთავრესი მიზანია ბოლომდე გულმოდგინედ შეასრულოს ის გეგმა, რომელიც ახალი მსოფლიოს არქიტექტორებმა დაავალეს და ქართველი ერის მოსპობასა და გაამერიკელებას ისახავს მიზნად. ამ მცდელობით ისინი იხანგრძლივებენ ქვეყნის სათავეში ყოფნას. ხოლო, ე.წ. ოპოზიციურ პარტიებს და მის წარმომადგენელთა დიდზე დიდ ნაწილს ასულდგმულებს ერთადერთი მიზანი _ როგორმე ამ დამანგრეველი სისტემიდან განდევნონ შემთხვევით სათავეში მოქცეულნი და მათი ადგილი დაიკავონ, რათა უფრო ,,გონივრულად’’ გააგრძელონ მათი დაწყებული საქმე. აი, აქ მარხია ძაღლის თავი და ქვეყნის უბედურების გამხსნელი გასაღები!’’.

,,ლიტერატურული საქართველო’’, 30 ნოემბერი, 2007

* * *

დავით სოკოლოვი, ტელედიქტორი:
,,ერთდროულად შიშისმომგვრელი და გულდასაწყვეტი იყო ბატონ გურამ შარაძის მკვლელობა. ყველაზე ცუდი ის არის, რომ ხელისუფლებას არაფერი გაუკეთებია საიმისოდ, რომ მოსახლეობას გურამ შარაძესთან დაკავშირებით ოფიციალური ვერსია დაეჯერებინა’’.

,,ასავალ-დასავალი’’, 20-26 ნოემბერი, 2007

* * *

გურამ ფირცხალავა, მსახიობი:
,,ესენი რომ ხელისუფლებაში მოვიდნენ, შევარდნენ ეკლესიაში, კარები ,,გრუზავიკით’’ შეანგრიეს, დაიჭირეს ერთი საწყალი მღვდელი, მიაყოლეს მრევლიც, ურტყეს თავებში, დაჩეჩქვეს და ,,გამარჯვებული’’ მხედართმთავრები, ბარამიძეები და ვიღაც-ვიღაცეები გამოჩნდნენ იქ, როგორც ნაპოლეონი გამოჩნდებოდა ბრძოლის ველზე გამარჯვების შემდეგ.
ამ დროს მწერლებიც გაჩუმებულები იყვნენ, უნივერსიტეტიც გაჩუმდა. ყოველთვის ვაჟკაც კაცად მიმაჩნდა დალოცვილი გურამ შარაძე, ერთადერთი იმან ამოიღო ხმა და ისიც დახვრიტეს. მსახიობები გაჩუმებულები იყვნენ, რეჟისორები გაჩუმებულები იყვნენ, არავინ ხმა არ ამოიღო. აი, მაშინ რომ ეკლესიაში კარები შეამტვრიეს და ყველა გავჩუმდით, ის ცოდვა დღეს გვიტრიალებს’’.

,,როგორ შეიძლება, მკვდარს მიაცემინო ხმა?
მკვდარი რომ ხმას მოგცემს, ხომ მკვდარი ხარ შენც?’’
,,ასავალ-დასავალი’’, 2007 წ., 24-30 დეკემბერი

* * *

ედუარდ შევარდნაძე, საქართველოს ყოფილი პრეზიდენტი:
,,დღეს ხალხი გვირგვლიანის და რობაქიძის მკვლელობაზე საუბრობს, მაგრამ დაიღუპა პრემიერ მინისტრი ჟვანია, აკადემიკოსი გურამ შარაძე. რატომ არაა ამაზე ხმაური?! რატომ არ მიმდინარეობა გამოძიება?! ხალხმა რატომ არაფერი იცის?!

,,სანდრა რულოვსის განცხადება დიდი ტყუილია’’
პრესა.გე, 21 იანვარი, 2008

* * *

ედუარდ შევარდნაძე, საქართველოს ყოფილი პრეზიდენტი:
,,.გურამ შარაძე, აკადემიკოსი კაცი მოკლა ვიღაც პატარა ბიჭმა? _ ტყუილია ეს!’’.

,,ყველა სიახლე’’, 25-30 იანვარი, 2008

* * *

ელიზბარ ჯაველიძე, პოლიტიკური მოძრაობა ,,21-ე საუკუნის~ ლიდერი, აკადემიკოსი:
,,ეს ის რესპუბლიკელები არიან, რომლებსაც პირდაპირ, ეზიზღებათ საქართველო, რომლებიც ცოტა ხნის წინათ აღფრთოვანებულები იყვნენ მათი სულიერი ძმის _ ლომაიას რეფორმებით; რომლებსაც იეღოველების დაცვის გარდა არაფერი აინტერესებთ და სიტყვაც კი არ წამოსცდენიათ ნამდვილი პატრიოტის _ გურამ შარაძის პოლიტიკურ მკვლელობაზე. იგივე შეიძლება ითქვას სახალხო დამცველზეც, რომელიც ლამის გმირად შერაცხეს. ამ არსებამ, როგორც იქნა, გაბედა ხმის ამოღება იმაზე, რაზეც მთელი საქართველო წლების განმავლობაში გაჰყვიროდა… და ,,გმირი’’ გახდა! სახალხო დამცველის მოვალეობა მხოლოდ, ერთეული ადამიანების უფლებების დაცვა კი არ არის, არამედ, მთელი ერის, ხალხის უფლებების მეციხოვნებაა! ამიტომაც ჰქვია ,,სახალხო დამცველი’’. მე ვეკითხები სუბარს: აქამდე რატომ ერთი სიტყვა არ დაგცდა გურამ შარაძის მკვლელობაზე?!’’

,,საქართველოს გადარჩენა მხოლოდ ეროვნულ ძალას შეუძლია!’’
,,ასავალ-დასავალი’’, 28 იანვარი _ 3 თებერვალი, 2008

* * *

ნინო მიქიაშვილი, ,,რეზონანსის’’ ჟურნალისტი:
_ თქვენ გჯერათ, რომ გურამ შარაძე გიორგი ბარათელმა მოკლა? ოჯახი ბარათელის უდანაშაულობაში დარწმუნებულია და მათ აინტერესებთ, რას ფიქრობს ამაზე სახალხო დამცველი. რუსუდან შარაძემ შაბათს, ჩვენს გაზეთში გამოქვეყნებულ მიმართვაში ამის შესახებ კითხვა დასვა.
სოზარ სუბარი, სახალხო დამცველი:
_ ჩვენ ეს საკითხი არ შეგვისწავლია, თვითონ მას არ მოუმართავს. არანაირი საფუძველი არ მაქვს, ეჭვი შევიტანო გამოძიების და სასამართლოს ობიექტურობაში და არც იმის საფუძველი მაქვს ქალბატონი რუსუდანის ეჭვებში შევიტანო ეჭვი. ანუ, რაც არ შემისწავლია, იმაზე ვერაფერს ვიტყვი.

,,სოზარ სუბარი: სახალხო დამცველი არის
სახელმწიფოს მიერ დაქირავებული ძაღლი,
რომელიც ამ სახელმწიფოს უყეფს~
,,რეზონანსი~, 4 თებერვალი, 2008

* * *

ჯაბა ხუბუა, ,,ასავალ-დასავალის’’ ჟურნალისტი :
,,როცა მელიქიშვილის გამზირზე გურამ შარაძე დახვრიტეს, მის მობილურ ტელეფონზე ბატონი გურამის ქალიშვილმა, რუსუდანმა ასეთი სმს-ი აღმოაჩინა: ,,ხომ ჩაგაძაღლეს, შე ფაშისტო!’’. როგორც გაირკვა, ასეთი შინაარსის მესიჯებს გურამ შარაძეს ყოველდღე უგზავნიდა სოროსის ფონდის თანამშრომელი ვინმე ქაროსანიძე, რომელსაც აკადემიკოსისა და ერისკაცის სიკვდილი ისე გაუხარდა, რომ გარდაცვლილ კაცს მისწერა, ხომ ჩაგაძაღლესო.
დახვრეტილი გურამ შარაძის ტელეფონზე სოროსელი ქაროსანიძის მიერ გაგზავნილი მესიჯისა და ,,ნაცმოელი’’ ,,პავლიკ მოროზოვის’’ მიერ ,,პრაიმ-ტაიმში’’ გაგზავნილი მესიჯის დატვირთვა და განწყობა აბსოლუტურად იდენტურია!
მესიჯით: ,,ღმერთმა ინება და ბადრი მოკვდა’’ _ ითქვა ზუსტად იგივე, რაც ითქვა მესიჯით: ,,ხომ ჩაგაძაღლეს, შე ფაშისტო!’’.
როგორც გურამ შარაძის სიკვდილით აღფრთოვანდა ეს ხელისუფლება, ისე და კიდევ უფრო აღფრთოვანდა ბადრი პატარკაციშვილის სიკვდილით!’’.

,,ღმერთმა ინება და ბადრი მოკვდა!’’ _ ვინ გააგზავნა
,,პრაიმ-ტაიმში ეს ამაზრზენი მესიჯი’’
,,ასავალ-დასავალი’’, 18-24 თებერვალი, 2008

* * *

გურამ პეტრიაშვილი, მწერალი, ზვიად გამსახურდიას თანამებრძოლი:
,,ერთ-ერთი, ვინც მე ძალიან მიყვარდა ქართულ მწერლობაში, კულტურაში, ეს იყო გურამ შარაძე და მისი სიკვდილი ძალიან მძიმე იყო ჩემთვის. აქ შემიძლია პირდაპირ დავადო ხელი ხელისუფლებას. ხელისუფლებისგან არის მოკლული გურამ შარაძე’’.

,,საქართველოში რომ დავბრუნდე, არ ვარ დარწმუნებული,
რომ გოგა ხაინდრავა არ გამაგორებს’’
,,ასავალ-დასავალი’’, 3-9 მარტი, 2008

* * *

ედუარდ შევარდნაძე, საქართველოს ყოფილი პრეზიდენტი:
,,რატომ არ მეკითხებით, გურამ შარაძე ვინ მოკლა? პირადად მე, ნამდვილად არ მჯერა იმ ვერსიის, რომელიც გურამ შარაძის მკვლელობას დაედო საფუძვლად. შესანიშნავი მეცნიერი იყო, ახლო ურთიერთობა გვქონდა და მისი გარდაცვალება ისე განვიცადე, როგორც ახლობელი ადამიანის დაკარგვა. მაგრამ ერთი რამეც უნდა აღინიშნოს, როგორ მოკლეს კენედი? რა, დაცვა აკლდა? დღესაც გაუხსნელია მისი მკვლელობა. ესროლეს რეიგანს, მაგრამ გადარჩა~.

,,თავს არ ვიმართლებ, ჩემი მმართველობის დროსაც
ხდებოდა მკვლელობები და თვითმკვლელობები~
,,ყველა სიახლე~, 13-19 მარტი, 2008

* * *

რუსუდან შარაძე, გურამ შარაძის შვილი:
`რევოლუციურმა ხელისუფლებამ, მკვლელობამდე დიდი ხნით ადრე, ყველა საშუალება გამოიყენა, რათა ხალხს დავიწყებოდა პოლიტიკოსი გურამ შარაძე. ამას თითქმის მიაღწიეს კიდეც მისი პრესაში დაბლოკვით. რევოლუციის შემდეგ, გურამ შარაძის მიწვევა აეკრძალა ყველა არსებულ ტელეკომპანიას და სრული პასუხისმგებლობით ვახცადებ, რომ ამ ბრძანებას არაერთი ჟურნალისტი სიამოვნებით ასრულებდა. შეიქმნა ზოგადი შთაბეჭდილება, რომ მამაჩემი წავიდა პოლიტიკიდან და მთლიანად გადაერთო მეცნიერებაში, რაც ტყუილია. ბოლო ხანებში, არაერთხელ ვყოფილვარ მოწმე იმისა, თუ როგორ მოიწვევდა პრეს-კონფერენციებს და საბოლოოდ, მარტო იჯდა, არავინ მოდიოდა. ეს არ ეხება ამჟამად პოლიტპატიმარ შალვა რამიშვილს და `სამშობლოდან~ გამოძევებულ `ასავალ-დასავალს~. ისინი დღეს სხვასთან ერთად, ამისთვისაც იხდიან სასჯელს ერთი _ ციხეში, მეორე _ ღია ცის ქვეშ, ლტოლვილობაში…
ამ ყველაფერს ჰაერზე არ ვლაპარაკობ. გარდა იმისა, რომ მე ეს კარგად ვიცი, ხელთ მაქვს მამაჩემის საკმაოდ ვრცელი ინტერვიუს აუდიო-ჩანაწერი, რომელიც ერთ-ერთი გაზეთის ჟურნალისტს მისცა და რომელიც არ გამოქვეყნებულა (სხვათა შორის, ხელთ მაქვს, ასევე, მამაჩემის უკანასკნელი, მკვლელობის წინდღით მიცემული საგაზეთო ინტერვიუ, რომელიც ასევე, არ გამოქვეყნებულა. ის ფერიას მთის ეკლესიის დანგრევას და საპატრიარქოსთვის ფრიად საყურადღებო ცნობებს ეძღვნება. ოდესმე, ისინი გამოქვეყნდება). ინტერვიუში მამა თავად საუბრობს სათითაოდ ყველა წამყვან ჟურნალისტზე და იმ მიზეზებზე, თუ რატომ ბლოკავდნენ ისინი მას ტელე-ეთერში. ასე სწამდა გურამ შარაძეს და რა უფლება მაქვს, მე არ დავიჯერო?!
დარწმუნებული ვარ, ირაკლი ოქრუაშვილი მამაჩემის მკვლელობაზეც გააკეთებდა თამამ განცხადებას, ვინმეს რომ დაესვა მისთვის ეს შეკითხვა. სამწუხაროდ, მიუხედავად დიდი მცდელობისა, ჟურნალისტებისგან ამას ვერ მივაღწიე. მართალია, 2007 წლის 20 მაისს ოქრუაშვილი აღარ იყო ხელისუფლებაში, მაგრამ ცოტა ხნით ადრე ის შინაგან საქმეთა მინისტრი იყო და კარგად უნდა იცოდეს პირადად ვისგან მოდიოდა გურამ შარაძის დაპატიმრების ბრძანება. თუნდაც, მკვლელობაზე, სხვაზე მეტი ხომ ეცოდინება? მისთვის ხომ ცნობილია, თუ როგორ სძულდათ ხელისუფლების უმაღლეს პირებს მამაჩემი, რომ რა არ უქნეს და ერთი კაცი, ვერ დააჩოქეს?!
როგორ წარმოგიდგენიათ, გურამ შარაძე მშვიდად იქნებოდა ქართველი მწერლებისა და `სამშობლოდან~ გამოძევებული ჟურნალისტების შემყურე? გაჩუმდებოდა, როდესაც სულ ახლახანს გუროვის ძმამ უხმაუროდ გაიტანა ქართველების განძის ნაწილი და დღეს ამაზე არავინ საუბრობს? დაივიწყებდა 7 ნოემბერს?

,,კვირგვინოსნები’’
`ასავალ-დასავალი~, 24-30 მარტი, 2008

* * *

ზურაბ გაგნიძე, ეროვნული იდეოლოგიის პარტიის თავმჯდომარე:
,,განა, შემთხვევითია, რომ მხეცურად მოკლული პატრიოტი აკადემიკოსის _ გურამ შარაძის შვილს ,,კავკასიის~ ეთერში გასვლისთვის აქციების მოწყობა დასჭირდა? მგონია, რომ აქუბარდია არც სოროსელების გრანტებზე ამბობს უარს და მიმაჩნია, რომ ,,კავკასიის~ ეთერი ხალხის სატყუარაა, რომ ხალხმა ნამდვილი ეროვნული მოძრაობის ყალბისგან გარჩევა ვერ შეძლოს!..

,,ქრონიკა~, 5-11 მაისი, 2008

* * *

გურამ პეტრიაშვილი, მწერალი, ზვიად გამსახურდიას თანამებრძოლი:
,,იმაზე ბინძური რა უნდა იყოს, გურამ შარაძე რომ მოკლეს. პროფესორსა და მწერალს თუ ვაჟკაცურად გინდა შეებრძოლო, შეებრძოლე მისივე იარაღით _ სიტყვით! აჩვენე ხალხს, რომ გურამი არაა მართალი და შენს მხარეზეა სიმართლე. მაგრამ ამგვარად ვერ შეებრძოლებოდნენ, რადგან მთელ ,,ნაციონალურ მოძრაობას’’ იმდენი წიგნი წაკითხულიც კი არ ექნება, რამდენიც დაწერა ერთმა _ ქართული კაცობისა და ვაჟკაცობის ნიმუშმა გურამ შარაძემ!..’’.

,,პუტჩისტური ლოზუნგების ესტაფეტა’’
,,ასავალ-დასავალი’, 12-18 მაისი, 2008

* * *

ელიზბარ ჯაველიძე, პოლიტიკური მოძრაობა ,,21-ე საუკუნის~ ლიდერი, აკადემიკოსი:
,,დღეს მე მრცხვენია, რომ ქართველი ვარ! ,,ნაცები’’ სამშობლოს სიყვარულზე ირონიით ლაპარაკობენ და მაცდურად იღიმიან, ვითომ ვისაც სამშობლო უყვარს, ჩამორჩენილი კაცია. გურამ შარაძე მოკლეს, გააგორეს მხოლოდ იმიტომ, რომ სამშობლო ძალიან უყვარდა და თხემით ტერფამდე ქართველი იყო. დღეს ,,ასავალ-დასავალის’’ გარდა, თითქმის არავინ საუბრობს იმაზე, რომ ამხელა კაცი უდანაშაულოდ მოკლეს! ორი საათი ეგდო ქუჩაში გურამ შარაძის ცხედარი, ახლოს არავინ მიაკარეს და ხალხს აყურებინეს, აი, გურამ შარაძეს რა ვუქენით, იმიტომ, რომ ქართველი იყოო’’.

,,ზვიადის პრეზიდენტობისას თბილისი მერმა თამაზ ვაშაძემ
გოგი ოჩიაურის უნიჭო ქანდაკება გადააგდო!’’
,,ასავალ-დასავალი’’, 16-22 ივნისი, 2008

* * *

მამა ბასილ მკალავიშვილი, გლდანის ივერიის ყოვლადწმიდა ღვთისმშობლის ეკლესიის წინამძღვარი:
_ ოპოზიციის წარმომადგენლები მხოლოდ ეხლა გაერკვნენ და მიხვდნენ, რომ სოროსელებს ჩვენი ქვეყანა დაღუპვისკენ მიჰყავთ. გულახდილად გეტყვით, არც ამ ოპოზიციის მჯერა! ჩემი საწუხარი ის გახლავთ, რომ მათ მიერ ჩატარებულ არცერთ ოპოზიციურ მიტინგზე ნახსენები არ იყო მართლმადიდებლობა, არც ჩვენი ეკლესიის ვანდალური დარბევა, ჩემს ხსენებაზე საუბარი ზედმეტია. ჩვენი ეკლესიის დარბევის კადრებს მხოლოდ სარეკლამო კლიპებში იყენებდნენ, ისევ თავის სასარგებლოდ.
მაინტერესებს, რატომ დუმს ყველა მათგანი იმაზე, როგორ გაიმეტეს სასიკვდილოდ მართლმადიდებლობის ქომაგი და უზადო დამცველი გურამ შარაძე, თანაც დღისით-მზისით, ქალაქის შუაგულ ცენტრში. ჩემი საყვედური არ ეხება ლეიბორისტული პარტიის წარმომადგენლებს, კონსტანტინე გამსახურდიას და დავით გამყრელიძეს, დანარჩენებზე კი ვიტყვი, რომ მათ საერთოდ არ აწუხებთ მართლმადიდებლური სარწმუნოება!
გიორგი მამაცაშვილი, ,,ასავალ-დასავალის’’ ჟურნალისტი:
_ თქვენ ფიქრობთ, რომ გურამ შარაძის მკვლელობის მიზეზი სექტანტების წინააღმდეგ ბრძოლა გახდა?
_ რა თქმა უნდა, ეჭვიც არ მეპარება ამაში! იგი ყველაფერს აკეთებდა მართლმადიდებლური სარწმუნოების გაძლიერებისათვის. ნიშანდობლივია, რომ ილია ჭავჭავაძის მოღვაწეობაზე ტომეულების დამწერი სწორედ ისე მოკლეს, როგორც დიდი ილია. მასაც ხომ ცხელი ტყვია დაჭედეს შუბლში, ამიტომ ჩემთვის დიდი განსხვავება არ არის გურამ შარაძისა და ილია ჭავჭავაძის მკვლელობებს შორის.

`ასავალ-დასავალი~
28 ივლისი _ 3 აგვისტო, 2008

* * *

დავით ჩხარტიშვილი, ბათუმის საკრებულოს წევრი:
,,იქ (ფერიის მთაზე, რედ.) გაზეთ `აჭარას~ ჟურნალისტებთან ერთად ავედი. დანგრეული ეკლესია რომ დავინახე … დაახლოებით ასეთი რამ ვთქვი: ჩემი ქვეყნის ისტორიული მეხსიერების წინაშე ეს დანაშაულია-მეთქი. ეს განცხადება ტელევიზიით, რომ გავიდა, გურამ შარაძემ დამირეკა – `ნათლი შენით ვამაყობ! ეს რა კარგი რამ დაგანათლე შვილო?! უახლოეს დღეებში მანდ ვიქნებიო~, – მითხრა და ორი დღის შემდეგ მისი მკვლელობის ამბავი შევიტყვე…

,,რეზონანსი’’, სექტემბერი, 2008

* * *

გიორგი მამაცაშვილი, ,,ასავალ-დასავალის’’ ჟურნალისტი:
_ გურამ შარაძის შესახებ უნდა გესაუბროთ…
ჯუმბერ პატიაშვილი, საქართველოს ცენტრალური კომიტეტის ყოფილი პირველი მდივანი:
_ მე, გურამ შარაძე და ვახტანგ გურგენიძე ვმუშაობდით ილიას მკვლელობის თემაზე. ადრეც იყო კომისიები შექმნილი, მაგრამ ჩვენც ვაკეთებდით ჩვენს საქმეს… როდესაც ეს მასალები მოვიძიეთ, მაშინ გიორგი ციციშვილმა გვითხრა, გერმანიაში ზურაბ ავალიშვილს აქვს დამატებითი მასალები ილიას მკვლელობის შესახებო… იქ წასასვლელად გურამ შარაძისა და ვახტანგ გურგენიძის კანდიდატურები დასახელდა. მაშინ საბუთების გაკეთება ისე ადვილი არ იყო, როგორც დღეს… გურამი წავიდა გერმანიაში და ქვეყნისთვის უდიდესი საქმეც გააკეთა! ყველაფრის დაბრალება ხომ არ შეიძლება ადამიანისთვის? სირცხვილია!..

,,ასავალ-დასავალი’’, 22-28 სექტემბერი, 2008

* * *

მიხეილ ოსაძე:
_ ის მასალები, რაც ეხება ,,ოსაძის კომისიის’’ მიერ გამოძიებულ საკითხებს, დევს პარლამენტის არქივში, ხოლო ნაწილი მასალებისა, რომლებშიც სრულიად საიდუმლო შინაარსის დოკუმენტებია, დევს თავდაცვისა და უშიშროების კომიტეტში! ზოგი მასალა ღია არის, ზოგი _ დახურული!.. სხვათა შორის, ბატონი გურამ შარაძის საქმეც ბატონი გივი თარგამაძის დაქვემდებარებაშია!
გიორგი მამაცაშვილი, ,,ასავალ-დასავალის’’ ჟურნალისტი:
_ გურამ შარაძემ, როგორც მახსოვს, თავად მოითხოვა გამოძიება _ ,,გაარკვიეთ, ვარ თუ არა აგენტიო’’…
_ ჩვენმა კომისიამ შეისწავლა და დაადგინა კიდეც, რომ არასდროს გურამ შარაძე აგენტი არ ყოფილა! იმათ გასაგონად ვამბობ, თავის დროზე ოპოზიციონერთა მანტია რომ ჰქონდათ მოსხმული, ჩვენ რომ გვედავებოდნენ და საპირისპიროს ამტკიცებდნენ, ახლა მათ ხელშია აბსოლუტურად ყველა დოკუმენტი და თუ შეძლებენ, საზოგადოებას აჩვენონ მსგავსი საბუთი!
_ სხვათაშორის, ვისაც თქვენ გულისხმობთ, სწორედ მათი მმართველობის პერიოდში მოკლეს გურამ შარაძე! შუა ვერაზე, ხალხის თვალწინ გაუხვრიტეს შუბლი პროფესორს, რომლის დაბადების დღეც, სხვათაშორის, გასულ პარასკევს იყო…
_ კი ბატონო, გეთანხმებით! სამწუხაროდ, ასე იყო!..

,,მე შემიძლია ყველას გვარები დაგისახელოთ’’
,,ასავალ-დასავალი’’, 20-26 ოქტომბერი, 2008

* * *

გიორგი მამაცაშვილი, ,,ასავალ-დასავალის’’ ჟურნალისტი:
_ ქალბატონო ნინო, პარლამენტის ორგზის დეპუტატი, პროფესორი გურამ შარაძე შუა ვერაძე ჩაცხრილეს და თქვენ არც მაშინ მოგითხოვიათ საქმის ობიექტურად გამოძიება…
ნინო ბურჯანაძე, საქართველოს პარლამენტის ყოფილი თავმჯდომარე:
_ თქვენ თუ ფიქრობთ, რომ ყველა იმ ფაქტზე და დანაშაულზე, რაც ამ ოთხი-ხუთი წლის განმავლობაში ხდებოდა, მე უნდა ვაგო-გავცე პასუხი და მე ვარ ის ადამიანი, ვისაც ყველაფერზე კომენტარი უნდა გაეკეთებინა, ძალიან ცდებით! სამწუხარო ფაქტია, რომ ასეთი გახმაურებული მკვლელობები ხდება, მაგრამ… სამწუხაროდ, მე და ბატონი გურამი ხშირად ვკამათობდით და ოპონენტები ვიყავით, მაგრამ ეს სულაც არ ნიშნავს იმას, რომ მე გულგრილად შევხვდი მის მკვლელობას… რა თქმა უნდა, არა! მაგრამ, რა უნდა გაეკეთებინა ამ დროს ნინო ბურჯანაძეს?
_ მაპატიეთ, კარნახად ნუ ჩამითვლით, მაგრამ, თუ მეხსიერება არ მღალატობს, არც პარლამენტს მიუგია პატივი მისი ხსოვნისთვის… არც პანაშვიდზე მისულან პარლამენტის ხელმძღვანელები ან თქვენ… და რომ არ დაგიმალოთ, ბოკერია-რამიშვილი-თარგამაძე-მერაბიშვილისგან განსხვავებით, თქვენგან მაინც მეტს ელოდა საზოგადოება… მეტ ყურადღებას ითხოვდა თქვენგან…
_ ალბათ, მართებულად… ის კითხვები, რომლებსაც დღეს თქვენ სვამთ, ნამდვილად არის გამოწვეული იმით, რომ საზოგადოება მეტს მოითხოვდა ჩემგან…

,,43-ზე მეტი უხერხული შეკითხვა ნინო ბურჯანაძეს’’
,,ასავალ-დასავალი’’, 17-23 ნოემბერი, 2008

* * *

გურამ ფირცხალავა, მსახიობი:
,,ცალკე თემაა გურამ შარაძის მკვლელობა, რომლის ადვოკატს სასამართლოს ერთ-ერთმა ინსტანციამ უარი განუცხადა საქმის განხილვაზე, რაღა დარჩა გასარკვევი, ყველაფერი დღესავით ნათელიაო, _ უთქვამთ! ამათ სასამართლოს ისევ ,,ტროიკა’’ სჯობია, დიახ, დიახ, ასეთ სასამართლოს, რომელიც უარს ამბობს პროფესორ გურამ შარაძის საქმის განხილვაზე, ,,ხროვა’’ სჯობია! ასე როგორ დაგაშინეს, ხალხნო?!’’

,,ხალხი სააკაშვილს ხარხარის რევოლუციას მოუწყობს’’
,,ასავალ-დასავალი’’, 8-14 დეკემბერი, 2008

* * *

ბაია ამაშუკელი, ხელოვნებათმცოდნე, სახალხო მოძრაობა ,,საქართველოს გადარჩენისათვის’’ ერთ-ერთი ლიდერი:
_ სანდო წყაროსგან მაქვს ინფორმაცია, რომ ბერძენ სპეციალისტებს აკეთებინებენ ეროვნულ მუზეუმში დაცული ქართული სიწმინდეების ასლებს, ორიგინალებს კი საზღვარგარეთ გაყიდვას უპირებენ!
ქართული სიწმინდეების საზღვარგარეთ გატანას ჯერ კიდევ შევარდნაძის დროს აპირებდნენ და ყველას გვახსოვს, ცხონებული გურამ შარაძეს ამის გამო რა ამბავი ჰქონდა ატეხილი.
ჯაბა ხუბუა, ,,ასავალ-დასავალის’’ ჟურნალისტი:
_ ცნობილი გერეგ გუროვი რომ აპირებდა ქართული განძის საზღვარგარეთ გატანას, იმას გულისხმობთ ?
_ დიახ, რა თქმა უნდა! მაქვს ინფორმაცია, რომ გურამ შარაძის მკვლელობამდე რამდენიმე თვით ადრე გარკვეული ჯგუფი, რომელშიც პარლამენტის ორი დეპუტატიც შედიოდა, ჩასული იყო ამერიკაში. როგორც შემდეგ გავარკვიე, ისინი მოლაპარაკებებს აწარმოებდნენ ქართული საგანძურის საზღვარგარეთ გატანასთან დაკავშირებით. ამის შემდეგ მოხდა შარაძის მკვლელობა და რამდენიმე დღეში გუროვი ჩამოვიდა საქართველოში. დღემდე არავინ იცის, რა განძი გაიტანეს მაშინ ეროვნული მუზეუმიდან!

,,ასავალ-დასავალი’’, 16-22 მარტი, 2009

* * *

თამარ ჩხეიძე, ილია ჭავჭავაძის საზოგადოების თავმჯდომარე:
,,პოლიტიკური მიზნით მოკლეს გურამ შარაძეც. ვფიქრობ, შარაძის მკვლელობის დამგეგმავთ მიზნად საზოგადოების სამაგალითოდ დაშინება სურდათ. კაცობრიობის ისტორიაში არაერთი მაგალითია იმისა, რომ სწორედ ასე ექცევა ხელისუფლება არასასურველ პირებს. როდესაც ესა თუ ის პირი დაგეგმილი პროცესების ხელის შემშლელი ხდება, როდესაც ეწინააღმდეგება იმას, რაც უნდა მოხდეს, მას იშორებენ. ასევე მოიშორეს ზვიად გამსახურდია, მერაბ კოსტავაც და გია ჭანტურიაც…’’

“სისხლიანი თუ უსისხლო რევოლუციები
ქვეყნისთვის დამანგრეველია”
,,კვირის პალიტრა’’, 22 ივნისი, 2009

* * *

ეკა ასათიანი, ,,კვირის პალიტრის’’ ჟურნალისტი:
_ საქართველოში ბევრს ლაპარაკობენ გახმაურებულ მკვლელობებზე. მაგალითად, გურამ შარაძის ტელეფონზე აღმოჩენილი იყო მესიჯი: ,,სიკვდილი ფაშისტ შარაძეს” და ა.შ…. ეს ყველაფერი ინფორმაციული ომის მაგალითებად რამდენად შეიძლება ჩაითვალოს?
მარიამ ცაცანაშვილი, თბილისის სახელმწიფო უნივერსიტეტის პროფესორი:
_ დღეისათვის არავითარ ტექნოლოგიურ პრობლემას არ წარმოადგენს იმის დადგენა, საიდან მოდიოდა გურამ შარაძის ტელეფონზე მუქარის გამომხატველი მესიჯები. ამ კითხვებს პასუხი თუ არ გაეცა, თავისთავად ცხადია, საქმე ინფორმაციულ ომთან გვაქვს…

”ქართველებს სრული ბედნიერებისთვის
საგვარეულო ომებიღა გვაკლია”
,,კვირის პალიტრა’’, 29 ივნისი, 2009

* * *

რუსუდან შარაძე:
,,2002 წლის ივლისის თვეში, “მაგთის” ათი ათას აბონენტს, მათ შორის მეც, დაეგზავნა ასეთი სახის სმს: ,,სიკვდილი ფაშისტ გურამ შარაძეს, გაუმარჯოს “თავისუფლების ინსტიტუტს!” მამამ ეს გაახმიანა პრესკონფერენციაზე. საქმეში ჩაერთო გამოძიება და მიაკვლიეს ხაკერს _ “სოროსის ფონდის” თანამშრომელს, ვინმე ქაროსანიძეს. გაიმართა სასამართლო, მაგრამ ქაროსანიძისთვის პასუხი არავის მოუთხოვია. 2002 წლიდან ყოველ დღე გურამ შარაძეს პირად მობილურზე კვლავ მოსდიოდა მუქარის შეტყობინებები… ქაროსანიძემ ეს არ იკმარა და მისი დახვრეტის შემდეგაც ასეთი სახის სმს-ები გამოგზავნა: “რა თქმა უნდა, პოლიტიკური მკვლელობა იყო, ფაშისტი იყო და იმიტომაც ჩააძაღლეს!” (20 მაისი, 21.00); ,,მუსოლინის გვერდით დამარხეთ ეს გახრწნილი”; ,,ყველა ფაშისტს ეგრე მოუვა, ყველაფერი საკუთარ თავებს დააბრალეთ, თქვე დამპლებო და კაციჭამიებო’’ (22 მაისი, 18.00). მე გამომძიებლებს ვუთხარი _ მიყევით ამ შეტყობინებებს და თქვენ მიხვალთ მკვლელობის შემკვეთებთან! თუმცა, რა თქმა უნდა, ეს არავის გაუკეთებია.

,,ჯორჯიან თაიმსი’’
4 ივლისი, 2009

* * *

რ. მაჩხოშვილი, მოქალაქე:
,,ამას წინათ თბილისის ერთ-ერთ ქუჩას რუსი ჟურნალისტის, აწ განსვენებული ა. პოლიტკოვსკაიას სახელი დაარქვეს. ეს მაშინ, როცდესაც გამოჩენილი მეცნიერის, ეროვნული მოღვაწის, დღისით-მზისით თბილისის ერთ-ერთ ცენტრალურ ადგილზე მოკლული პროფესორ გურამ შარაძის სახელის მატარებელი ქუჩა კი არა, სკვერიც კი არ არსებობს. არადა, დიდია ცხონებული გურამ შარაძის ღვაწლი და დამსახურება ქვეყნისა და ერის წინაშე. გავიხსენოთ, თუნდაც, მის მიერ საზღვარგარეთიდან სამშობლოში დაბრუნებული ეროვნული საარქივო მასალები; ჩატარებული სამეცნიერო კვლევები, გამოცემული ფუნდამენტური ნაშრომები და ა.შ….

,,ეწოდოს ქუჩებს ღირსეულ ადამიანთა სახელები’’
,,ქრონიკა’’, 30 ნოემბერი _ 7 დეკემბერი, 2009

* * *

შალვა ხაჭაპურიძე, ადვოკატი, პარტია “გამარჯვებისთვის” ლიდერი:
,,ასევეა გურამ შარაძის მკვლელობის საქმეც, სადაც არსებობს უამრავი კითხვის ნიშანი. ჩვენ ამ საკითხთან დაკავშირებით ვმუშაობთ და ბევრ დეტალს გავაცნობთ საზოგადოებას! ერთ-ერთი დეტალი, რასაც ჩვენ ახლა ვარკვევთ, არის ის, თუ სად იმყოფება შარაძის მკვლელობისთვის გასამართლებული გიორგი ბარათელი. რომელ იზოლატორშია და ვისთან ერთად იხდის სასჯელს? ვინ არიან მისი თანამოსაკნეები? ამას ძალიან დიდი მნიშვნელობა აქვს და ციხის ადმინისტრაცია მიხვდება, თუ რას ვგულისხმობ!
ჯერჯერობით ფაქტია, რომ გურამ შარაძის მკვლელობის მოტივი და შემკვეთი დღემდე არ არის დადგენილი! ის საქმე, რისთვისაც გურამ შარაძე იბრძოდა და რის სამსხვერპლოზეც თავისი სიცოცხლე მიიტანა, მიჩუმებულია და ხმას არ იღებს არავინ!
დღეს იცის ვინმემ, რა ქონებაა გატანილი საქართველოდან? აბა, ვინმემ ნებისმიერი სახელმწიფოდან ერთი პატარა სტატუეტი გამოიტანოს, თუ ვინმე მისცემს ამის უფლებას! გურამ შარაძე სწორედ ქართული საგანძურის საქართველოდან გატანის და განიავების წინააღმდეგ იბრძოდა და ამას შეეწირა!
დადგა დრო რადიკალური მოქმედებებისა და ყველას უნდა მოეთხოვოს პასუხი იმ უბედურებებისათვის, რაც ქართველ ხალხს დაატეხეს!

“ასავალ-დასავალი”, 5-11 აპრილი, 2010

* * *

რამაზ კლიმიაშვილი, პოლიტოლოგი:
,,ძალიან მწყინს, რომ საქართველოს პოლიტიკური ცხოვრების პარალელებს ჩვენ არა ევროპის რომელიმე ქვეყანაში, არამედ მონღოლური წარმოშობის, ჩინგის ყაენის შთამომავლებთან – ყირგიზეთში ვპოულობთ. ჩვენ, ვინც ოცი წლის წინ საქართველოს დამოუკიდებლობისათვის ვიბრძოდით, ასეთი სამარცხვინო ქვეყანა, როგორიც დღევანდელი საქართველოა, ვერ წარმოგვედგინა! შესანიშნავად მახსოვს წამებული გურამ შარაძის სიტყვები: “მე სააკაშვილის საქართველოში ცხოვრება არ მინდა!” და აუსრულეს კიდეც!

,,ოკეანისგაღმიდან შეკვეთილი ექსპერიმენტების დრო წავიდა’’
,,საქართველო და მსოფლიო’’, 15 აპრილი, 2010

* * *

დიტო ჩუბინიძე, ,,ქრონიკის’’ ჟურნალისტი:
,,დარწმუნებული ვარ, გურამ შარაძე ამ ხელისუფლების ხელით არის მოკლული; ჩემთვის ბოლო დროს ცნობილი გახდა, რომ ცხონებული ბატონი გურამის მკვლელობის შესახებ მნიშვნელოვან ინფორმაციას ფლობს სპეცსამსახურების ყოფილი თუ ამჟამად მოქმედი თანამშრომელი, თუ არ ვცდები, გვარად კუპრავა, თუ კუპრაძე… დარწმუნებული ვარ, მალე დადგება დრო, როცა გურამ შარაძის საქმეს საბოლოოდ მოეფინება ნათელი და როგორც ილია ჭავჭავაძის მკვლელი _ მენახშირე გიგოლა ბერბიჭაშვილი გაასამართლეს წიწამურის ავადსახსანებელი გასროლიდან 33 წლის შემდეგ, გურამ შარაძის ნამდვილ მკვლელებსაც საკადრისს მიუზღავს ქართული საზოგადოება.

,,ქრონიკა’’, 26 ივლისი _ 1 აგვისტო, 2010

5 Responses to ამონარიდები

  1. Patrica Sommella says:

    Most of the blogs online are pretty much the same but i think you can add some value. Bravo !

  2. wotek says:

    Hey very cool site!! Man .. Beautiful .. Amazing .. I’ll bookmark your website and take the feeds also…I’m happy to find numerous useful info here in the post, we need develop more techniques in this regard, thanks for sharing. . . . . .

  3. kato says:

    Pretty nice post. I just stumbled upon your weblog and wanted to say that I have really enjoyed browsing your blog posts. After all I’ll be subscribing to your rss feed and I hope you write again soon!

  4. Bryk says:

    hi, your site’s pattern is superior and loving it. Your blog posts are wonderful. Remember to keep them coming. Sincerely.

  5. Elisa Grohowski says:

    Thank you for your site post. Thomas and Elisa.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s